اسلام آباد ۔ 17 اگست (اے پی پی) چیئر مین سینیٹ محمد صادق سنجرانی آکھیے جو پاکستان اسرائیل کوں کڈاہیں تسلیم نی کرسگدا ، سعودی عرب اتے پاکستان وچال برادرانہ تعلقات ہن، ہر اوکھے ویلھے اچ ڈوہیں ملک ہک ڈوجھے دے رلے کھڑن ،ڈوہیں ملک ہمیشہ بین الاقوامی معاملات اتے مسلیں تے مشاورت نال کم کریندن ۔ سینیٹ سیکرٹریٹ موجب اے گال انہاں سنوار کوں سعودی عرب دے سفیر نال پارلیمنٹ ہاوس اچ ملاقات کریندے ہوئیں آکھی اے ۔ ملاقات اچ ڈوطرفہ تعلقات سمیت اہم امور تے گال مہاڑ تھئی تے چیئرمین سینیٹ ولوں سعودی عرب دے بادشاہ شاہ عبداللہ اتے ولی عہد شہزادہ محمد بن سلمان کیتے نیک خواہشات دا اظہارکیتا۔ صادق سنجرانی آکھیے جو پاکستان اسرائیل کوں کڈاہیں تسلیم نی کرسگدا ۔ اسرائیل دے حوالے نال متحدہ عرب امارات دے فیصلے دے دور رس نتائج ہوسن ۔ پارلیمنٹ بالخصوص ایوان بالا ولوں ایں عزم دا اعادہ کریندوں جو حرمین شریفین دی حفاظت کیتے کہیں قربانی توں پرے نہ ہٹیا ویسی ۔انہاں آکھیے جوسعودی عرب ولوں ہر اوکھے ویلھے اچ پاکستان دے رلے کھڑے رہنڑ کوں کڈاہیں بھلا نی سگدے ۔انہاں آکھیے امید کریندوں سعودی عرب وی ایں جذبے نال تعاون جاری رکھیسی ۔
چیئر مین سینیٹ محمد صادق سنجرانی نال سعودی سفیر دی ملاقات
مضمون کا ماخذ : الوہا کلسٹر ادائیگی کرتا ہے۔
متعلقہ مضامین
