اسلام آباد۔5فروری (اے پی پی):وفاقی وزیر اُمور کشمیر وگلگت بلتستان علی امین خان گنڈاپورآکھیے جو پاکستانیوں دے دل ہر ݙینھ آپݨے کشمیری بھیݨاں تے بھراواں دے رلے دھڑکدن ،حق خود ارادیت گھنݨ تئیں پاکستان کشمیریاں دی حمایت جاری رکھیسی ،بھارت مقبوضہ کشمیر کوں ظلم وجبر اتے ریاستی دہشت گردی دی المناک مثال بݨا رکھیے ۔ یکجہتی کشمیر دے ݙینھ دے موقع تے اپݨے پیغام اچ علی امین گنڈاپورآکھیے جو مقبوضہ کشمیر اچ کشمیری نینگراں دا ماورائے عدالت قتل معمول بݨ ڳئے ،5 اگست 2019دے اقدامات توں بھارت مقبوضہ کشمیر دی ڈیموگرافی کوں بدالݨ چاہندے ، انسانی حقوق، انصاف دے عالمی اداریں، یورپی یونین اتے برطانوی پارلیمنٹ بھارتی اقدامات دی بھرپور مذمت کیتی اے ۔علی امین گنڈاپور آکھیے جو بھارت اچ نام نہاد سیکولرزم اتے جمہوریت دفن تھی ڳئی اے ،بھارتی ریاستی ادارے آرایس ایس دے ہندتوا نظریے دے ایجنٹس بݨ ڳئن ،بھارتی حکومت،فوج اتے میڈیا دے درمیان ناپاک گٹھ جوڑ دُنیادے سامنے آڳئے
