اسلام آباد۔9دسمبر (اے پی پی) سپیکر قومی اسمبلی اسد قیصر آکھیا جو ملک کوں درپیش مسئلیاں توں کڈھݨ سانڳے سارے صوبیاں کوں وفاق نال رَل تے خصوصی اقدامات کرݨے پمسن۔ ملک کورونا وائرس دی ݙوجھی لہر نال نبڑدا پئے، پہلے توں کمزور ملکی معیشت کورونا وائرس دی ݙوجھی لہر اچ پابندیاں نی جھل سڳدی۔ ملک دے بحران تے قابو پاوݨ سانڳے اوکھے فیصلے کرݨے پمسن۔ معاشی بحران نال نبڑݨ سانڳے کفایت شعاری مہم تے حقیقی معنیاں اچ عمل کرݨ دی لوڑھ اے۔ اے ڳالھیں انہاں سپیکر خیبر پختونخوا اسمبلی مشتاق غنی نال ملاقات اچ ڳالھ مہاڑ کریندیں ہوئیں آکھی جنہاں بدھ کوں انہاں نال ملاقات کیتی۔
مضمون کا ماخذ : گرم گرم
