اسلام آباد ۔14 جولائی(اے پی پی) قومی احتساب بیورو (نیب )کراچی اسلام آباداتے گلگت بلتستان اچ کجھ جئیں تے چھاپے مار تے63ارب روپے دے پی ایس او سیکنڈل اچ ملوث پنج ملزماں کوں گرفتار کر گھدے،گرفتار کیتے گئے افسراں اچ پی ایس او سی ایل دے سابق جنرل منیجر سپلائی اختر ضمیر،سابق چیف آپریٹنگ افیسر بائیکو پاکستان پیٹرولیم لیمیٹڈ،کامران افتخار ،سابق صدر ریفائنریز بائیکو پاکستان پیٹرولیم لمیٹڈ قیصر جمال کو ںکراچی جڈاں جو سابق جنرل منیجر (ریٹیل ،کنزیومر بزنس) پی ایس او اتے چیف ایگزیکٹیو آفیسر جن پٹرولیم سید ذوالفقار علی جعفری کو ںاسلام آباد توں اتے سابق سینئر جنرل منیجر مارکیٹنگ پی ایس او ڈاکٹر سید نذر اے زیدی کوں ہنزہ گلگت بلتستان توںگرفتار کیتا گئے۔ملزماں تے رعل مل تے بائیکو پاکستان پیٹرولیم لیمیٹڈ کوں 2.43ارب روپے مالیت دے تیل دے غیر قنونی ٹھیکے ڈیونڑ دا الزام ہے،2008/09 اچ ایں سلسلے اچ کوئی ادائیگی نی کیتی گئی،پی ایس او انتظامیہ 2012 ءاچ پی ایس او کوں پٹرولیم مصنوعات دی سپلائی سانگے بائیکو پاکستان پیٹرولیم لیمیٹڈدے نال پیٹرولیم مصنوعات خرید ن تے ویچنر داغیر قنونی معاہدہ کیتا حالانکہ بائیکو پاکستان پیٹرولیم لیمیٹڈ 2013 اچ بنڑائی گئی۔غیر قنونی ٹھیکے ڈیونڑ پاروں پی ایس او کوں غیر معیاری مصنوعات سپلائی کیتی گئیاں جیندی وجہ نال قومی خزانے کوں 60 ارب روپے دا نقصان تھیا۔نیب کوں تفتیش دورانم پتہ لگے جو پی ایس او انتظامیہ 2012 ءاچ اختیارات توں تجاوز کریندے ہوئیںبائیکو پاکستان پیٹرولیم لیمیٹڈ توں پٹرویم مصنوعات خریدن سانگے ہک بیا غیر قنونی معاہدہ کیتا جیندے تحت پی ایس او اعلی معیار دیاںدرآمدی مصنوعات ہائی سپیڈ ڈیزل اتے پٹرول رعایتی قیمتاں اچ ڈتا جیندی وجہ نال قومی خزانے کون وڈا نقصان پجے۔پی ایس او من پسند کمپنیاں کوں نوازنڑاتے غیر قنونی طریقے نال ذاتی مقصد سانگے پٹرولیم دی کاروباری کمپنیاں نال 3 معاہدے کیتے۔کراچی توں گرفتار کیتے گئے ملزماں کوں جسمانی ریمانڈ سانگے اج احتساب عدالت کراچی اچ پیش کیتا ویسی،ملزم اختر ضمیر اتے قیصر جمال پہلے توں ہی 13ڈینھ دے ریمانڈ تے نیب دی تحویل اچ ہن ۔
نیب دے چھاپے،63 ارب روپے دے پی ایس او سیکنڈل اچ ملوث پنج سابق اعلی افسر گرفتار
مضمون کا ماخذ : جڑواں اسپن
متعلقہ مضامین
