اسلام آباد۔16ستمبر(اے پی پی):وزیراعظم شهباز شريف وئيلي دي پاكستانې اولس دې د ټولشموله ټولنې تعمير لپاره په اجتماعي توګه كار وكړي٬ د اعضا عطيه كول د خواخوږۍ يو داسې عمل دے كوم چې ضرورتمندو ته د ژوند يوه نوې موقعه وركولې شي۔ د اتوار په ورځ د وزيراعظم آفس ميډيا ونګ لخوا د جاري شوي بيان له مخې وزيراعظم د هويت (شناخت) نړيوالې ورځې په موقعه خپل پیغام كښې ووئيل نن په ګرده نړۍ كښې د شناخت نړيواله ورځ لمانځلې شي ٬ پېژندګلو سره تعلق معمولي تعارف نه بلكې دا يو ګڼ اړخيزه اصلاح ده چې ورسره د ټولنې هر يو وګړي ته په قامي پرېكړو كښې د خپلې نمائندګۍ او ضروري خذماتو ته لاس رسي ترلاسه كيږي۔ وزيراعظم ووئيل په دې ننۍ ورځ زه د يو مهم قامي اقدام پېل كولو اعلان كولو سره خوشحالي محسوسوم چې مقصد يۍ د اعضاﺀ عطيې ته وده وركول دي۔ ده ووئيل د اعضاﺀ عطيه كول د بشري خواخوږۍ يو داسې عمل دے كوم چې ضرورت مندو ته د ژوند يوه نوې موقعه وركولې شي۔ وزیراعظم ووئيل د پېژندګلو جذبې ته پام كولو سره زه ټولو وطن پالو ته خواست كوم چې هغوي دې يوه بله ټول شموله ټولنې جوړولو له په ګډه كار وكړي ٬ د هر يو ګړي حقونه دې تسليم كړې شي او ددې احترام دې وكړے شي۔ ده ووئيل زه وګړو ٬ سول سوسائټۍ او حكومتي ادارو څخه غوښتنه كوم چې هغه پېژندګلو سره اړوندې خبرتيا او د زده كړو كلچر ته وده وركړي۔ په دې هڅه كښې به مونږ له د ټېكنالوجۍ مهم كردار څخه ډډه نه شي كولې۔ وزیراعظم ووئيل زمونږ حكومت د هغه پالېسيو د نافذ كولو هڅه كوي كوم چې زمونږ د وګړو ترمينځه باور ته وده وركولو او په شهري فرائضو كښې د زيات نه زيات ګډون ډاډګيرنه وكړي۔ دې مقصد لپاره سپېځلتيا او جوابدهي زيات مهم دي۔ ددې پالېسيو نفاذ سره به جمهوري نظام لا مستحكم شي۔
پاكستانې اولس دې ټولشموله ټولنه جوړولو له په ګډه كار وكړي: د وزيراعظم شهباز شريف د هويت نړيوالې ورځې په موقعه پيغام
مضمون کا ماخذ : loteria Ceará
متعلقہ مضامین
