اسلام آباد ۔ 8 ستمبر (اے پی پی) سپیکر قومی اسمبلی اسد قیصر نال منگل کوں پاکستان اچ آذربائیجان دے سفیر علی علیزاد ملاقات کیتی جئیں اچ ڈوپاسہ تعلقات سودھے خطے دی اجوکی صورتحال اتے آپسی دلچسپی دے معاملیاں تے گالھ مہاڑ کیتی گئی ۔ایں موقع تے سپیکر آکھیا جو پاکستان اتے آذربائیجان وچال پائیدار سفارتی تعلقات ہن،پاکستان آذربائیجان نال تعلقات کوں بئیا ودھاونڑ چاہندے،ڈوہیں ملک ثقافتی، مذہبی اتے جغرافیائی لحاظ نال رلدے اتے علاقائی اتے بین الاقوامی معاملیاں تے وی ہکو جیہا موقف رکھیندے،پاکستان اتے آذربائیجان وچال معاشی تعلقات کوں بئیا ودھاونڑ دے مواقع موجود ہن۔ناگورنو کراباخ تنازعہ دے معاملے تے پاکستان آذربائیجان دی موقف دی حمایت کریندے۔پاکستان اقوام متحدہ دی قرارداداں دے مطابق ناگورنو کاراباخ دے تنازعے دا حل چاہندے۔چین،پاکستان اقتصادی راہداری (سی پیک )منصوبہ خطے اچ ترقی اتے خوشحالی سانگے ہک نواں دور ہوسی۔ آذرر بائیجان دے سفیر آکھیا جو آذربائیجان پاکستان نال اپنڑے دوستانہ تعلقات کوں اہمیت ڈیندے۔آذربائیجان مسئلہ کشمیر تے پاکستان دے موقف دی حمایت کریندے۔
سپیکر قومی اسمبلی اسد قیصر نال آذربائیجان دے سفیر علی علیزادہ دی ملاقات
مضمون کا ماخذ : جنگل کی روح: جنگلی کی کال
متعلقہ مضامین
