اسلام آباد 31 اګست (اے پي پي) لنډمهاله وزیراعظم انوارالحق کاکړ وئيلي دي چې د برېښنا د بلونو په معامله به اولس لپاره ډېر زر د ريليف اقدامات اعلان كړو٬ د برېښنا د بحران لوے سبب په ګرانه بيعه برېښنا اخستل٬ پېداوار٬ ترسيل او د بلونو په وصولولو خامۍ دي٬ څوك دې په غلط فهمۍ كښې نه اوسي د خوږ هېواد د هر انچ به دفاع كوٶ، د قانون له مخې ټولټانكې كول د الېكشن كمېشن ذمه واري ده٬ سوله ايزو او سپېځلو انتخاباتو د لارې امن سره د اقتدار د انتقال عزم لرو۔ د دې خيالاتو څرګندونه ده د زيارت په ورځ سينئر خبريالانو او اېنکر پرسنز سره خپلو خبرو كښې وكړه۔ ده ووئيل لنډمهاله حكومت د آئين د ضرورت له مخې جوړ كړې شوې دې٬ په بېلا بېلو څانګو كښې قابل كسان په كابينه كښې شامل كړې شوې دي٬ هېواد معاشي او د امنيت لويو ستونزو سره مخ دے٬ د رنځ سم تشخيص كولو سره د ھغې علاج كېدې شي، د برېښنا د بلونو پحقله احتجاج شوې٬ لوي څښتن دا ذمه واري او ازميښت زما پغاړه اچولې ده٬ په يو څو ورځو كښې د ټولو چارو ادراك شوے دے٬ دا وېنا سمه نه ده چې ظالم حكمران راغلل او د غريب وينه به څښي٬ كه څوك دا غلط فهمي لري نو لرې دې كړي۔ وزيراعظم ووئيل د قاچاق او د افغان ټرانزټ ټريډ غونډې د مسئلو پشمول په بېلا بېلو پېداواري څانګو كښې سرمايه كاري په كمېدو ده٬ په غېر پېداواري څانګو كښې په منافع انحصار كېږي، مونږ هم دا مسئلې ايسارولې شو خوا دا معاملے به بيا رامخې ته كېږي٬ مونږ له به د دې سوال ځواب لټول وي٬ د دې په سبب سماجي او معاسي مسئلې پېدا كېږي، په سوشل ميډيا داسې تبصرے كېږي كومې چې هېواد لپاره زيان منې دي۔ ده ووئيل بلوچستان او په خېبرپښتونخوا كښې د ترهګرۍ پېښې كېږي٬ افغانستان څخه د ذمه وارۍ انخلاء نه دې شوې بلكې په تندۍ سره انخلاء شوې ده چې ورسره د پاكستان پشمول په نورو ګاٶنډي هېوادونو اثرات پرېوتې دي، د افغانستان صورتحال څخه غېر رياستي عناصرو ګټه پورته كړې، مونږ د خپل وطن د ګوټ ګوټ د دفاع صلاحيت لرو، په يو کالعدم تنظيم كښې دا صلاحيت نشته چې ھغه د پاكستان په يو انچ قبضه وكړې شي، زمونږ امنيتي ادارې بشپړه دفاع لپاره تيارې دي۔ ده ووئيل پاكستان په محفوظ لاسونو كښې دې٬ پاكو او سپېځلې ټولټاكنې كولو له هڅې كوٶ٬ مونږ به خپلې ذمه وارۍ ترسره كولو سره ځو٬ په 48 ساعته كښې به په دې لړ كښې پاليسي اعلان كوٶ٬ د يو نه تر 16 ګرېډ د واپډا د اهلكارو د مفت يونټ معامله به نه چېړو٬ د ګرېډ 17 نه تر 22 لپاره د مفت برېښنا وركړې په معامله او په نور آپشنز به عمل كوٶ۔
د برېښنا د بلونو په معامله به اولس لپاره ډېر زر د ريليف اقدامات اعلان كړو، د قانون له مخې ټولټانكې كول د الېكشن كمېشن ذمه واري ده۔ د لنډمهاله وزيراعظم انوارالحق کاکړ سينئر خبريالانو او اېنكر پرسنز سره خبرې
مضمون کا ماخذ : bolão dupla sena
متعلقہ مضامین
