پے اینڈ پنشن کمیشن دے فیصلے تئیں تنخواہیں اچ اسپیشل الائونس دی صورت اچ ریلیف ݙیوݨ کیتے تیار اوں ، وفاقی وزرا پرویز خٹک، شیخ رشید اتے علی محمد خان دی  پریس کانفرنس

اسلام آباد۔10فروری  (اے پی پی):وزیر دفاع پرویز خٹک، وزیر داخلہ شیخ رشید احمد اتے وزیر مملکت پارلیمانی امور علی محمد خان آکھیے جو پے اینڈ پنشن کمیشن دے فیصلے تئیں تنخواہواں اچ اسپیشل الائونس دی صورت اچ ریلیف ݙیوݨ کیتے تیار ہیسے ، سرکاری ملازمین نال جیڑھے معاملات طے کیتن ، ایندے تے قائم اوں ، احتجاج ملازمین دا حق اے، سرکاری ملازمین دے مسئلیں کوں سیاسی پارٹیاں اپݨے مقاصد کیتے استعمال کرݨ چاہندن ، پمز ہسپتال دے ملازمین ولوں ہڑتال ختم کرݨ تے انہاں دے شکر گزاراوں، صوبیں توں انہاں دے ملازمین دی فلاح بہبود کیتے اقدامات چاوݨ دی درخواست کریسوں ، اے ڳالھ انہاں ٻدھ کوں اتھاں مشترکہ پریس کانفرنس توں خطاب کریندے ہوئیں آکھی اے ۔ پریس کانفرنس توں خطاب کریندے ہوئیں وزیر دفاع پرویز خٹک آکھیے جو اساں چار مہینے توں وفاقی ملازمین دے نال رابطے اچ رہ ڳئیوں ، ملازمین دی یونینز دے نال کئی اجلاس منعقد کیتے ، اے معاملہ کابینہ اچ چاتے ، کابینہ ملازمین دے مسئلیں دے حل کیتے تراے رکنی کمیٹی تشکیل ݙتی تے کمیٹی وی انہاں نال کئی اجلاس منعقد کیتے ۔ انہاں ݙسایا جو ملازمین دے نال کجھ معاملات طے پا ڳئن تاں جو تنخواہواں اچ فرق دے حوالے نال معاملہ حل نی تھیا ایں حوالے نال وزیر خزانہ نال ڳالھ مہاڑ کیتی اے ۔پے اینڈ پنشن کیشن دے فیصلے تئیں ملازمین کوں اسپیشل الائونس دی شکل اچ ودھارا ݙیوݨ کیتے تیار ہیسے ۔ پے اینڈ پنشن کمیشن دا فیصلہ آویسی تے جون اچ بجٹ تئیں اے معاملات خود ہی حل تھی ویسن ۔ اساں ایوریج 60 فیصد فرق دا 40 فیصد ݙیوݨ کوں تیار اوں لیکن ملازمین دی ڈیمانڈ زیادہ اے ۔ انہاں آکھیے جو بیسک پے تے ملازمین 40 فیصد ودھارے دی ڈیمانڈ کیتی اے ، ایں تے ڳالھ رک ڳئی اے ،ملازمین دے ٻہوں سارے مسئلیں تے اساں اتفاق کرچکوں ، کل تئیں ملازمین دا گریڈ ھک توں 16 تئیں دیاں تنخواہیں اچ ودھارے دا مطالبہ کیتا ڳیا ہئی ، ہݨ اچانک اچانک گریڈ 22 تئیں دے ملازمین دیاں تنخواہواں اچ ودھارے دا مطالبہ کرݙتے ۔ حکومت دی اپݨی حد ہوندی اے ، ملکی معاشی صورتحال دے مطابق وفاقی حکومت ودھارے کیتے تیار اے لیکن جے اے اپݨی مرضی مطابق ودھارا چاہندن تاں اے جون تئیں انتظار کرگھنن ، اوں ویلھے پے اینڈ پنشن کمیشن دا فیصلہ آویسی ، اوں ویلھے تئیں حکومت اسپیشل الائونس اپݨے طور تے ݙیوݨ کیتے تیار اے ۔ وزیر دفاع آکھیے جو اساں وفاقی ملازمین دے مسائل کوں حل کرݨا اے تاں جو صوبائی ملازمین دے مسئلے  صوبائی حکومتاں حل کریسن ۔وزیر داخلہ شیخ رشید احمد آکھیے جو سرکاری ملازمین دے نال اساݙی گریڈ ہک توں 16 تئیں دی ڳالھ تھئی ہئی اتے 16 گریڈ تئیں دے ملازمین ہی احتجاج کریندے پئن۔ سرکاری ملازمین دے نال جیڑھے معاملات طے کیتن اساں ایندے ت قائم اوں ۔ سرکاری ملازمین آکھیا ہئی جو اساکوں پے اینڈ پنشن کمیشن دے فیصلے تئیں ریلیف چاہیدے ، اساں25 فیصد ودھارے کیتے تیار ہیسے ۔ انہاں آکھیے احتجاج ملازمین دا حق اے جے سیاسی پارٹیاں ایندے اچ رل ویسن تاں ایندے نال ضیان سرکاری ملازماں دا تھیسی ۔