لاہور۔27نومبر(اے پی پی)وزیراعلیٰ پنجاب سردار عثمان بزدار تشدد دا شکار تھیوݨ آلی تریمتیں دی داد رسی اتے ݙیکھ بھال کیتے مزید سینٹر بݨاوݨ دی اصولی منظوری ݙے ݙتی اے۔ وزیراعلیٰ پنجاب سردار عثمان بزدار دی صدارت اچ وزیراعلیٰ آفس اچ اجلاس تھئے جیندے اچ پنجاب ویمن پروٹیکشن اتھارٹی دی کارکردگی اتے ٻئے امور دا جائزہ ڳھدا گئے۔ وزیراعلیٰ عثمان بزدار آکھیا جو نویں سینٹرز کیتے موجودہ عمارتاں کوں استعمال کرݨ بارے جائزہ ڳھنسوں، نویاں بھرتیاں دی بجائے سرپلس ملازماں دی خدمات حاصل کیتاں ونڄن، ڈویژن دی سطح تے اتھارٹی دی کمیٹیاں کیتے نامزدگیاں مکمل کیتیاں ونڄن ۔عثمان بزدار آکھیے جو ویمن پروٹیکشن اتھارٹی دا ادارہ تشدد دا شکار تریمتیں دی دادرسی اتے انہاں کوں تحفظ ݙیوݨ کیتے چنگا پلیٹ فارم اے۔ حکومت ویمن پروٹیکشن اتھارٹی کوں ہر ممکن سپورٹ کریسی۔
مضمون کا ماخذ : ایزٹیک گولڈ
