اسلام آباد ۔ 10 ستمبر (اے پی پی) وزیرِاعظم عمران خان ریور راوی فرنٹ اربن ڈویلپمنٹ پراجیکٹ اتے بنڈل آئی لینڈ منصوبیاں اچ سرمایہ کاراں، بلڈرز اتے کنسٹرکٹرزدی دلچسپی تے اطمینان کریندے آکھیے جو انہاں ڈو وڈے منصوبیاں نال ارباں روپے دی سرمایہ کاری تھیسی اتے معیشت دے کئی شعبے تکڑے تھیسن،بیرون ملک مقیم پاکستانی سرمایہ کاراں دے نال نال مقامی سرمایہ کاراں دی وی حوصلہ افزائی کیتی ویسی تاں جو او اینجھے موقع توں فیدہ چا سگسن۔اے گالھ انہاں نیشنل کوآرڈینیشن کمیٹی برائے ہاوسنگ، کنسٹرکشن اینڈ ڈویلپمنٹ دے اجلاس دی اگوانڑی کریندے کیتی۔اجلاس اچ وزیرِ اطلاعات و نشریات سینیٹر شبلی فراز، معاونین خصوصی ملک امین اسلم ، لیفٹیننٹ جنرل (ر) عاصم سلیم باجوہ، ڈاکٹر شہباز گل، چیئرمین نیا پاکستان ہاوسنگ اتھارٹی لیفٹیننٹ جنرل (ر) انور علی حیدر، گورنر سٹیٹ بینک، چیئرمین ایف بی آراتے بئے حکام شرکت کیتی۔تعمیراتی شعبہ دیاں کاروباری شخصیات عقیل کریم ڈھیڈی، عارف حبیب، عباس مختار، فواد مختار، فیصل آفریدی، محمد احسن، شاہد عبداﷲ، طارق رفیع اتے بئے اجلاس اچ موجود ہن۔کاروباری برادری ریور راوی فرنٹ اربن ڈویلپمنٹ پراجیکٹ اتے بنڈل آئی لینڈ منصوبیاں کوں اہم قرار ڈیندے دلچسپی ڈکھائی اتے بنکاں سانگے سہولیات تے گورنر سٹیٹ بنک دے۷ کردار دی تعریف کیتی۔وزیرِاعظم عمران خان آکھیا جو اے ڈوہیں وڈے منصوبے معیشت کوں تکڑا کرنڑکیتے اہم ثابت تھیسن۔
نیشنل کوآرڈینیشن کمیٹی برائے ہاوسنگ، کنسٹرکشن اینڈ ڈویلپمنٹ دا اجلاس،وزیرِاعظم دا ریور راوی فرنٹ اربن ڈویلپمنٹ پراجیکٹ ، بنڈل آئی لینڈمنصوبیاں اچ پیش رفت تے اطمینان،ملکی اتے غیر ملکی سرمایہ کاراں دی حوصلہ افزائی دی ہدایت
مضمون کا ماخذ : قسمت کا پہیہ
متعلقہ مضامین
