اسلام آباد29جولائي (اے پي پي) خارجه وزير بلاول بھټو زرداري شريك سوچ په حقيت بدلولو لپاره د رېل٬ سړك، بحري اوفضائي روابطو جوړولو سره د شنګھائي مرستې تنظيماېس سي او ترمېنځه د رابطو زياتولو په حاجت زورراوړے۔ د دې خيالاتو څرګندونه ده د جمعې په ورځ په تاشقند كښې د شنګھائي مرستې تنظيم (اېس سي او) خارجه وزيرانو كونسل غونډې ته خپلې وېنا كښې وكړه ۔ ده ووئيل شنګھائي مرستې تنظيم په دائره كښې پاتې كېدو سره د شريكې سوكالۍ مشتركه هدفونه زمونږ رهنما اصول پكار دي۔ ده ووئيل د تنظيم غړي هېوادونه د پرمختګ او سوكالۍ انحصار په اي كامرس٬ كاروبار ډيجيټل كولو او د جدت او ترسيل په نړيوالو سلسلو د تحفظ غونډې په مهمو څانګو دے۔ ده ووئيل پاکستان د ازبکستان او افغانستان سره ټرانز افغان ريل په منصوبه په تندۍ سره كار كوي۔ خارجه وزير ووېيل سي پېك د وړاندې نه سيمه ايزو رابطو او د سوكالۍ وده كښې مرستې لپاره د كليدي پلېټ فارم په توګه كار كوي۔ ده ووئيل د پاكستان د پالييسو محور د ډيجيټل عمل نه مستفيد كېدل او د هېواد د يو كروړ 30 لكه نه زياتو ځوانانو ته اقتصادي موقعې وركولو لپاره ځوانان٬ مېرمنې او د كوچنۍ او مېنځنۍ درجې كاروباري ادارې اختيار مندې جوړې كړې دي۔ ده د اېس سي او چارټر او د ”شنګھائي روح“ هدفونه او اصولو لپاره د پاكستان د غېر متزلزل عزم پخلے هم وكړو ۔ د افغانستان پحقله ده ووئيل د 40 كالو د شخړو او د عدم استحكام نه پس آخر په افغانستان كښې تل پاتې امن او د استحکام امکانراپېدا شوے ، مونږ د سلامتيا ماحول ښه كولو او د داعش ترهګرۍ خطر مخنيوي لپاره پورته كړي اقدامات تسليموٶ۔ ده ووئيل پاكستان په انساني بنيادونو په مرسته كښې پراختيا كړې او نور تجارت، ټرانزټ ټريډ، سرحد پار سهولت کاري او رابطو لپاره لارې بېرته كوي۔ ده ووئيل د افغانستان مالياتي پانګې غېر منجمند كول ضروري دي٬ نړيوالې ورورولۍ له هم افغانستان سره تعميري روابط او عملي مرسته په ځائ ساتل پكار ده ۔ بلاول بھټو زرداري ووئيل ترهګري لوي خطر دے جې ورسره نړيواله ورورولي مخ ده٬ مېړني اولس، وسله والو ځواكونو او د قانون نافذ كوٶنكو ادارو اهلكارو د دې لعنت خاتمې لپاره د پاكستان په پرعزم جنګ كښې بلها قربانۍ وركړي۔ ده ووئيل پاكستان د هر ډول ترهګرۍ غندنه كوي چې پكښې رياستي ترهګري هم شامله ده كومه چې په متنازعه سيمو كښې په غېر ملكي قبضې كښې د پاتې كېدونكي اولس په ضد كېږي۔ ده ووئيل د ترهګرۍ رجحان پرله پسې ارتقا پذير دے، د عدم برداشت زياتېدونكې كچې٬ انتها پسندۍ او د برلاسۍ نظريات رامخې ته كېدل او د اسلامو فوبيا تحريكونو دا خطر په يو مختلف كچه مهلك كړے دے
خارجه وزير بلاول بھټو زرداري د اېس سي او هېوادونو ترمېنځه د رابطو زياتولو په حاجت زور راوړو
مضمون کا ماخذ : کوئٹہ لاٹری
متعلقہ مضامین
