اسلام آباد – 07 – آگسٽ (اي پي پي) وزيراعظم محمد شهباز شريف چيو آهي ته حڪومت ٽيلي ڪميونيڪشن جي شعبي جي ترقي ۽ واڌويجهه جي لاءِ ڪوششون ڪري رهي آهي، ڏورانهن علائقن ۾ تيز تر موبائيل انٽرنيٽ جي فراهمي جي لاءِ قدم کنيا پيا وڃن. وزيراعظم آفيس جي ميڊيا ونگ پاران جاري بيان موجب وزيراعظم محمد شهباز شريف سان ميمبر بورڊ آف ڊائريڪٽرز وي آن گروپ سر برينڊن ليوس جي قيادت ۾ وي آن گروپ/ جيز جي وفد ملاقات ڪئي. وزيراعظم اسلام آباد ۾ منعقد ٿيندڙ ڊيجيٽل نيشنل سمٽ ۾ شرڪت ڪندڙ وي آن گروپ جا ٿورا مڃيا. وزيراعظم چيو ته حڪومت ملڪ ۾ ٽيلي ڪميونيڪشن جي شعبي جي ترقي ۽ واڌويجهه جي لاءِ ڪوششون ڪري رهي آهي، ملڪ جي ڏورانهن علائقن ۾ تيز تر موبائيل انٽرنيٽ جي فراهمي جي لاءِ قدم کنيا پيا وڃن. هن چيو ته وي آن / جيز گروپ پاڪستاني معيشت ۾ مثبت ڪردار ادا ڪيو آهي، پاڪستان ۾ ٽيلي ڪميونيڪشن جي شعبي ۽ رابطا وڌائڻ ۾ وي آن/ جيز گروپ جو ڪردار انتهائي اهم رهيو آهي. وفد ڊيجيٽل پاڪستان انيشي ايٽو ۾ دلچسپي جو اظهار ڪيو. وفد پاڪستاني معيشت کي ڪيس ليس بڻائڻ ۽ ڊيجيٽائيز ڪرڻ جي وزيراعظم جي ويزن کي ساراهيو. ملاقات ۾ انفارميشن ٽيڪنالاجي ۽ ٽيلي ڪام واري مملڪتي وزير شزه فاطمه خواجه ۽ لاڳاپيل اعليٰ سرڪاري آفيسر پڻ موجود هئا.
حڪومت ٽيلي ڪميونيڪشن جي شعبي جي ترقي ۽ واڌويجهه جي لاءِ ڪوششون ڪري رهي آهي: وزيراعظم محمد شهباز شريف
مضمون کا ماخذ : raspadinha resultados
متعلقہ مضامین
