اسلام آباد۔25اکتوبر(اے پی پی)وفاقی وزیر اطلاعات، نشریات، قومی ورثہ و ثقافت عطاءاللہ تارڑ آکھیے جو وفاقی دارالحکومت اسلام آباد کوں ہک عالمی معیار دا سمارٹ سٹی ٻݨایا ویسی، نینگراں اچ منشیات روکݨ دے اقدامات ضروری ہین، ایف آئی اے انسانی سمگلنگ اچ ملوث گینگز دے خلاف ودھ کارروائیاں کریندی پئی اے۔ اے ڳالھ انہاں قومی اسمبلی اجلاس اچ مختلف ارکان اسمبلی دے سوالاں دے ولدے ݙیندے آکھی۔ وفاقی وزیر اطلاعات آکھیا جو جنوری 2025ء تئیں فیڈر روٹس تے الیکٹرک بساں سیکٹر آئی 16 توں این فائیو شاہراہ کوں میٹرو سٹیشن نال رلیسن، ایں سال وفاقی کابینہ اچ اسلام آباد دا ماسٹر پلان جمع کرا ݙتا ڳئے، اسلام آباد پہلے ہی سیف سٹی اے ڄیکوں سمارٹ سٹی ٻݨایا وی??ی جیندے کیتے انٹرنیشنل ٹینڈرنگ نال عالمی کنسلٹنٹس دی خدمات ڳھدیاں ویسن، سمارٹ سٹی دے تحت ایپ ”مائی اسلام آباد“ شروع کیتی ویندی پئی ا?? جیندے نال بلاں دی ادائیگی اتے ٻیاں خدمات ڳھدیاں ونڄ سڳسن، راولپنڈی دے علاقے اسلام آباد اچ رلاوݨ دا کوئی منصوبہ کائںی، کہیں دی کوئی تجویز ہے تاں سمارٹ سٹی بارے جمع کراوے۔ لاہور اتے اسلام آباد اچ جرائم اتے دہشتگردی روکݨ کیتے سیف سٹی پراجیکٹ اہم کردار ادا کیتے اتے کئی کیسز اچ ٻہوں چنڳی پیشرفت تھئی اے، ایں ویلھے سیف سٹی دی ودھ لوڑھ پہلے پشاور اتے ول کراچی کوں اے، ݙوہیں صوبائی حکومتاں کوں ایں سانڳے ہتھ ونݙاوݨ کیتے تیار ہیں، اے پورے ملک دا معاملہ ا?? جیندے کیتے ایں منصوبے دے باقی مرحلے ویلھے تے مکمل تھیوݨے چاہیدن۔ ہک ٻئے سوال تے انہاں آکھیا جو اینٹی نارکوٹکس کنٹرول بارے امریکا، برطانیہ، ایران، ترکی، یو اے ای، سعودی عرب نال عالمی سطح تے تعاون چلدا پئے، مختلف ممالک نال 37 مفاہمتی یادداشتاں تے دستخط تھئن، جولائی اچ ایپکس کمیٹی اجلاس اچ صوبیاں کوں پوست دی کاشت آلے علاقیاں کوں خالی کراوݨ، کساناں کوں وادھو زمین ݙیوݨ کیتے ہدایت کیتی ہئی، صوبیاں دے عملدرآمد دا جائزہ ڳھدا ویندا پئے جو کیا پیشرفت تھئی اے، منیشات دے خلاف سکولاں، کالجاں، یونیورسٹیاں اچ آگاہی مہماں وی چلائن، سؤبے وی ہتھ ونݙاون، وزارت اطلاعات اگلے ہفتے توں میڈٰا تے ڈرگ فری سوسائٹی کیتے منشیات دے خلاف آگاہی مہم چلیسی، تعلیمی اداریاں تے ودھ توجہ ݙیوݨی ہوسی، منشیات دے کاروبار تے عمر قید اتے سزائے موت ا?? جیندے تے کوئی رعایت کائںی، انسداد منشیات کیتے اینٹی نارکوٹکس دی وزارت اتے اینٹی نارکوٹکس فورس دا وݙا کردار اے۔ وفاقی وزیر آکھیا جو تعلیمی اداریاں دے معاملے تے ساریاں سیا??ی جماعتاں رل تے کم کر سڳدن، انٹر ایجنسی ٹاسک فورس ٻݨائی ا?? جیندے اچ وفاق اتے صوبائی حکومتاں شامل ہین، اتے ایں سانڳے مختلف امور مشترکہ حل کیتے ویندن۔ وفاقی حکومت اینٹی ڈرگ ٹریفکنگ تے فلم ٻݨاوݨ کیتے بجٹ وی رکھی?? جیندے تے ودھ کم کیتا ویسی۔ ڄݙاں صوبیاں کولو 18 ویں ترمیم دے بعد اے معاملہ آئے تاں صوبیاں دی ذمہ داری ہئی جو او اپݨی نارکوٹکس فورس ٻݨاون ہا، انٹرایجنسی ٹاسک فورس دا مقصد ایہو اے جو صوبیاں نال رل تے ٹاسک ٻݨائے ونڄن۔ انہاں آکھیا جو کیسنر دے علاج اچ کینوبس ائل دے استعمال کیتے رولز ٻݨݨے چاہیدن، چیئر اے معاملہ قائمہ کمیٹی کوں ٻھڄوا ݙتے۔ ہک ٻئے سوال تے انہاں آکھیا جو انسانی سمگلنگ دے خلاف سنجیدہ کوششاں کیتاں وینداں پن، انسانی سمگلنگ دے خلاف ایف آئی اے 5 سالہ منصوبہ ٻݨائے، صوبائی حکومتاں دے تعاون نال انسانی سمگلنگ اچ ملوث گینگز پکڑین، ایں سانڳے ڈیٹا ونݙݨ کوں تیار ہیں۔
