اسلام آباد۔13ستمبر(اے پی پی) سپیکر قومی اسمبلی سردار ایاز صادق آکھیے پاکستان یورپی یونین نال تعلقات کوں اہمیت ݙیندے ، یورپی یونین نال تعلقات تکڑی سٹریٹجک شراکت داری اچ بدالݨ سانڳے پرعزم اے ، بین الاقوامی برادری کوں مقبوضہ جموں و کشمیر اتےغزہ اچ انسا??ی حقوق دیاں سنگین خ??اف ورزیاں دا نوٹس گھنݨا چاہیدے ۔ قومی اسمبلی سیکرٹریٹ موجب اے ڳالھ انھاں یورپی یونین دے خصوصی مندوب فرانس وین ڈیل کر دی سربراہی اچ ملاقات ک??ݨ آلے وفد کوں آکھی ، وفد اچ پاکستان یورپی یونین دی سفیر ڈاکٹر رینا کیونکا وی رلے ہن ، ملاقات اچ ݙوپاسے تعلقات ، انسا??ی حقوق تے موسمیاتی ??بدیلیاں سودھے اہم موضوعات تے ڳالھ مہاڑ کیتی ڳئی، سپیکر آکھیے پاکستان یورپی یونین نال تعلقات کوں اہمیت ݙیندے تے انھاں کوں تکڑے سٹریٹجک شراکت داری اچ بدالݨ سانڳے پرعزم اے ، پاکستان ھک کثیر الثقافتی، کثیر المذہبی اتے کثیر القومی ملک اے، پاکستانی شہریاں کوں آئین موجب سارے بنیادی حقوق ملدے پئن ، انھاں دے حقوق دے تحفظ تے فلاح و بہبود سانڳے پارلیمنٹ ہر ممکن اقدام کریندی پئی اے ۔ سردار ایاز صادق آکھیے پاکستان اچ اقلیتاں قومی ترقی اچ اہم کردار نبھیندیاں پئن ،اقلیتی ??رادریاں کوں پارلیمنٹ اچ نمائندگی ݙتی ڳئی اے ، بین الاقوامی برادری مقبوضہ جموں و کشمیر تے غزہ اچ انسا??ی حقوق دیاں سنگین خ??اف ورزیاں دا نوٹس گھنے تے ظلم روکݨ اچ آپݨا کردار نبھاوے، جی ایس پی پلس دے حوالے نال پاکستانی اقدامات کوں چنڳاں ݙٹھا ویندا پئے، یورپی یونین دے خصوصی مندوب فرانس وین ڈیل آکھیے پاکستان عالمی سطح تے اہم ملک اے ایں نال تعلقات ٻئے تکڑے کرݨ چاہندوں ، یورپی یونین پاکستان نال ݙوپاسے تے کثیر جہتی ??عاون ودھاوݨ چاہندی اے
