اسلام آباد۔30نومبر (اے پی پی):صدر مملکت ڈاکٹر عارف علوی صبحائیں (ٻدھ کوں) صحافیاں دے تحفظ اتے آزادانہ صحافت دے فروغ دے حامل ج??نل??ٹس اینڈ میڈیا پروفیشنلز پروٹیکشن (ایکٹ ) بل 2021 تے دستخط کریسن جیں توں اے باضابطہ قانون دی شکل اختیار کر گھنسی۔ ایں سلسلے اچ بل تے دستخط دی تقریب ایوان صدر اچ تھیسی ۔ یاد رہے جو قومی اسمبلی 8 نومبر 2021 اتے سینیٹ 19 نومبر 2021کوں صحافیاں تے میڈیا پروفیشنلز دے تحفظ (ایکٹ ) بل 2021 دی منظوری ݙتی ہئی۔ ایں بل دے تحت صحافیاں اتے میڈیا پروفیشنلز کوں حق رازداری حاصل ہوسی ،انہاں کوں پیشہ ورانہ ذمہ واریاں دی آزادانہ اتے غیر جانبدارانہ انجام دہی اتے آزادی اظہار رائے دا حق حاصل ہوسی، انہاں دی نجی زند??ی ، گھر اتےذاتی خط و کتابت ( بشمول الیکٹرانک گفت و شنید)دی پرائیویسی، اپݨی خبر دے ذرائع کوں مخفی رکھݨ دا حق،اتے کہیں وی فرد یا ادارے دی طرفوں جبر، تشدد، خوف و ہراس، دھونس، تڑی تے جبری گمشدگی دے خلاف تحفظ حاصل ہوسی ، انہاں کوں خبر دا ذریعہ ݙساوݨ کیتے مجبور نہ کیتا ویسی ، ایں ٻل دے تحت انسداد دہشت گردی اتے قومی سلامتی دے قوانین دی میڈیا پروفیشنلز دی پیشہ ورانہ سرگرمیاں کوں روکݨ دے خلاف ناحق استعمال دی روک تھ??م کیتی ویسی ۔میڈیا مالکان صحافیاں اتے میڈیا پروفیشنلز کوں مقرر کیتے ڳئے میعارات دے تحت لائف اینڈ ہیلتھ انشورنس فراہم کریسن ، میڈیا مالکان صحافیاں کوں ویلھے تے تنخواہ ݙیوݨ دے وی پابند ہوسن ۔ بل دے مطابق صحافیاں اتے میڈیا پروفیشنلز دے تحفظ، شکایات دی آزادانہ تفتیش تے ازالے کیتے آزاد کمیشن قائم کیتا ویسی ، کمیشن اچ پاکستان بار کونسل، پی ای?? یو جے، نیشنل پریس کلب، پی آر اے، وزرات انسانی حقوق ، وزارت اطلاعات و نشریات دے نمائندے شامل ہوسن ۔ وفاقی حکومت کمیشن دے چیئرپرسن دا ݙو سال کیتے تقرر کریسی ، کمیشن اچ گھٹ توں گھٹ ترائے تریمت ارکان شامل ہوسن ۔ بل دے تحت آئین دے آرٹیکل 9 دے مطابق صحافیاں اتے میڈیا پروفیشنلز دی زندگی اتے سکیورٹی دے حق کوں یقینی بݨایا ویسی ، کوئی شخص، ادارہ ایجھا اقدام نہ کرسڳسی جیں توں کہیں صحافی اتے میڈیا پرو فیشنلز دے حق زندگی اتے حفاظت دی خلاف ورزی ہووے ۔ ۔میڈیا پروفیشنلز دے خلاف تڑی آمیز ، جابرانہ اتےمتشدد کارروائیاں کوں وختی تے موثر تفتیش اتے قانونی کارروائی توں استثنیٰ حاصل نہ ہوسی ۔
صدر مملکت ڈاکٹر عارف علوی صبحائیں پروٹیکشن آف جرنلسٹس اینڈ میڈیا پروفیشنلز (ایکٹ ) بل 2021 تے دستخط کریسن
مضمون کا ماخذ : لاٹری کا انعام کیسے حاصل کریں
متعلقہ مضامین
