اسلام آباد۔21اکتوبر (اے پی پی):وزیرداخلہ شیخ رشید احمد آکھیے جو حکومت مہانگ سودھے سارے مسئلیں تے چیلنجز تے قابو پا گھنسی،وزیراعظم عمران خان ریاست مدینہ دی طرز تے حقیقی فلاحی ریاست دے قیام کیتے کوشاں ہن ، پاکستان اچ ساریں کوں جمہوری اتے سیاسی آزادیاں حاصل ہن، اسلام آباد پولیس کیتے شہدا پیکج پنجاب پولیس دے برابر کرݙتا ڳئے ، اے ڳالھ انہاں خمیس کوں پولیس لائنز اچ ایئر پٹرول یونٹ دے افتتاح اتے پاسنگ آئ??ٹ ??ریڈ دی تقریب توں خطاب تے میڈیا نال ڳال مہاڑ کریندے ہوئیں آکھی اے ، وزیر داخلہ آکھیے جو ایئرپٹرول یونٹ دا آغاز ??رݙتا ڳئے ۔اے ڈرونز دے ذریعے س??ف سٹی نال منسلک ہوسی تے پولیس کنے جدید ہائی ٹیک گاݙیاں وی ہوسن ۔ انہاں آکھیے جو اسلام آباد پولیس کیتے شہدا پیکج پنجاب پولیس دے برابر کرݙتا ڳئے ،اسلام آباد پولیس دے اینٹی رایٹ یونٹ کیتے ھک ہزار نوجوان بھرتی دی منظوری تھی چکی اے ، انہاں آئی جی اسلام آباد کوں ہدایت کیتی جو میرٹ تے بھرتی داعمل وختی شروع کیتا ونڄے ، وزیر داخلہ آکھیے جو پولیس دیاں تنخواہیں ??ہت?? بݨاوݨ کیتے کوششاں جاری رہسن ایں سلسلے اچ وزیر خزانہ نال ڳال کیتی اے ۔ وزیرداخلہ آکھیے جو 400 ملین روپے دی خطیر رقم تھاݨیں کوں ݙتی ڳئی اے ۔ میݙے دور اچ شہدا پیکج کیتے ݙتا ڳئے۔ انہاں آکھیے جو وفاقی دارالحکومت اسلام آباد کوں محفوظ بݨاوݨ تے پولیس کوں سلام پیش کرینداں ۔ بعداچ میڈیا نال ڳال مہاڑ کریندے ہوئیں وزیر داخلہ آکھیے جو اپوزیشن جمعہ جمعہ کھیݙدی پئی اے ، انہاں دے پہلے احتجاجی مظاہرے اچ مہانگ توں متاثر تھیوݨ آلے عوام شرکت نی کیتی ۔ وزیراعظم عمران خان 5 سال پورے کریسن تے حکومت عمران خان دی قیادت اچ مہانگ دے جن کوں بوتل اچ بند کریسی ۔ ایندے توں پہلے وزیر داخلہ پولیس لائنز اچ ایئر پٹرول یونٹ دی پاسنگ آئوٹ پریڈ دا معائنہ کیتا
حکومت مہانگ سودھے سارے مسئلیں تے چیلنجز تے قابو پا گھنسی ، وزیرداخلہ شیخ رشید احمد
مضمون کا ماخذ : غالب افریقہ
متعلقہ مضامین
