اسلام آباد۔9فروری (اے پی پی):وفاقی کابینہ احتساب دے عمل کوں مزید تکھا کرݨ کیتے پورے ملک اچ 30نویاں خصوصی احتساب عدالتاں دے قیام ،افغانستان پاکستان ٹرانزٹ ٹریڈ ایگریمنٹ اچ ترائے مہینے کیتے توسیع ،ترائے لکھ ٹن کݨک تے پنج لکھ ٹن کھنڈ درآمد دے حوالے نال پیپرا قوانین اچ چھوٹ ݙیوݨ تے مختلف اداریں اچ تقرریاں دی منظوری ݙتی اے ، آئی پی پیز نال تھیوݨ آلے حکومتی مذاکرات دے نتیجے اچ آندے 20 سالاں اچ ملک کوں 800ارب روپے دا فیدہ تھیسی تے بجلی دے نرخ گھٹ کرݨ اچ مدد مل ویسی،کابینہ سندھ اتے بالخصوص کراچی دے عوام کوں 6سال پراݨی کݨک ݙیوݨ تے تشویش دا اظہار کیتے ،وزیرِ اعظم عمران خان ہدایت کیتی جو ملک اچ کہیں وی جاہ تے غیر اعلانیہ لوڈشیڈنگ نہ کیتی ونڄے ، حک??مت سینٹ الیکشن اچ ووٹ مل گھنݨ ، ہارس ٹریڈنگ کوں روکݨ کیتے سپریم کورٹ نال رجوع ،بل اسمبلی اچ پیش اتے آرڈیننس جاری کیتے،سپریم کورٹ حقیقت ݙیکھدے ہوئیں جیڑھا وی فیصلہ کریسی اساکوں قبول ہوسی، وزیراعظم 60توں ودھ اداریں دے سربراہیں دی تقرری کیتے چھیکڑی مہلت ݙتی اے ، آندے اجلاس اچ ہݨ تئیں عدم تقرری تے جواب ??ی منگیا ڳئے۔ وفاقی وزیر اطلاعات و نشریات سینیٹر ??بل?? فراز اتے وفاقی وزیر منصوبہ بندی ،ترقی ، اصلاحات و خصوصی اقدامات اسد عمر وزیراعظم عمران خان دی زیر صدارت وفاقی کابینہ دے اجل??س دے بعد میڈیا کوں بریفنگ ݙیندے پئے ہن ۔ وفاقی وزیر اطلاعات و نشریات سینیٹر ??بل?? فراز ݙسایا جو کابینہ ایں رپورٹ تے تشویش دا اظہار کیتے جیں دے مطابق حک??مت سندھ ولوں 32000ٹن کݨک جیڑھی جو چھی سال پراݨی اے تے انسانی استعمال کیتے مضر اے صوبے دے مختلف علاقیں کیتے ریلیز کیتی ویندی پئی اے ۔کابینہ کوں شوگرانکوائری کمیٹی دی رپورٹ دے نتیجے اچ کیتی ونڄݨ آلی کاروائی اچ ہݨ تئیں دی پیشرفت بارے ݙسایا ڳئے ۔کابینہ ٹیکس قوانین (ترمیم)آرڈیننس 2021دی منظوری ݙتی ۔ ۔کابینہ کوں پبلک سیکٹر آرگنائزیشن دے سربراہان سی ای اوز دیاں خالی آسامیاں دے حوالے نال بریفنگ ݙتی ڳئی ۔ کابینہ کوں ݙسایا ڳے جو ہݨ تئیں سرکاری محکمیں دے سربراہان دیاں 86آسامیاں خالی ہن۔ کابینہ کوں ݙسایا ڳے جو 2018توں ہݨ تئیں مختلف محکمیں اچ نہایت شفاف عمل دے ذریعے 56سربراہان دی تعیناتی کیتی ڳئی اے ۔وزیرِ اعظم ہݨ تئیں خالی رہ ونڄݨ آلیاں آسامیاں دا سختی نال نوٹس ڳھندے ہوئیں سیکرٹری اسٹیبلشمنٹ کوں ہدایت کیتی جو آسامیاں خالی رہݨ دی وجوہات اتے ایں عمل کوں وختی مکمل نہ تھیوݨ دی وجہ کابینہ اچ ݙسائی ونڄے ۔کابینہ کوں اسلام آبادمیٹرو بس منصوبے دے حوالے نال بریفنگ ݙتی ڳئی ۔
