اسلام آباد۔11ستمبر(اے پی پی) وزیردفاع خواجہ محمد??صف آکھیے سیاسی اختلافات جمہوریت دا حسن اے اتے اینکوں ذاتی دشمنی اچ بدالݨا نی چاہیدا ، جمہوریت اتے پالیمان کوں تکڑا کرݨ تے ایندی قدر ودھاوݨی ہوسی ۔ قومی اسمبلی اچ ڳالھ کریندے خواجہ محمد??صف آکھیے بلاول بھٹوزرداری دیاں ڳالھیں نال کہیں کوں اختلاف نی تھی سڳدا ، ہاؤس اچ ساݙی جڑت پارٹی نال ضرور اے مگر ایوان دیاں ذمے واریاں وی نبھاوݨیاں ہن ، سیاسی اختلافات جمہوریت داحسن اے اتے اینکوں ذاتی دشمنی اچ بدالݨا نی چاہیدا ، میثاق جمہوریت دے ذریعے پہلی واری ݙومتحارب جماعتاں ایں سوچ دی بنیادرکھی جواساکوں پارلیمانی جمہوریت دی حفاظت اتے اینکوں اڳوں گھن تے ونڄݨا اے ، ایں سفراچ اوکھ آئی لیکن اساں کتھائیں وی ایجھا لمحہ نی آوݨ ݙتا جو اساں 90 دے ݙھاکے آلی تلخی دے پاسے نی ڳئے ، 2013 اچ جݙاں دھرنا تھیا تاں ادارے دے وقار اتے اینکوں اُچا رکھݨ سانڳے ساریاں جماعتاں کٹھے رل ڳیاں ، پارلیمان دی عمارت تےقبضہ تھیا ول پچھلے دروازے توں ایں عمارت اچ داخل تھیندے ہن ۔پی پی پی اوں ویلھے میثاق جمہوریت دی روح موجب عمل کیتا ، انھاں آکھیے نوازشریف، زرداری صاحب، زرداری دی ہمشیرہ تے میں خودجیل ڳیاں کہیں دا پروڈکشن آرڈرجاری نی تھیا اساں ہائوس دی قدر گھٹاوݨ دی کوشش نی کیتی ، جمہوریت اچ ایویں تھیندے ساݙی جمہوریت حالی تئیں آپݨے پیراں تے کھڑی نی تھی سڳی ، اساکوں جمہوریت اتے پالیمان کوں تکڑا بݨاوݨا ہوسی تے ایندی قدر ودھاوݨی ہوسی ، اساکوں پروڈکشن آرڈرز تےکوئی اعتراض کائنی ،جلسے اچ جیڑھیاں تقریراں تھئن تے خیبرپختونخوادے وزیراعلیٰ جیڑھی زبان استعمال کیتی جے او ایویں نہ کریندے تاں اے واقعہ نہ تھیندا جے اے ری ایکشن اچ نہ ہوندا تاں میں ایندی سخت مذمت کریندا ، تساں جئیں ویلھے حد کراس کریندو تساں جݙاں وفاق ، آئین کوں چیلنج تے جمہوریت دی قدر کوں کمزور کریندو ، جݙاں تساں لشکرکشی دی ڳالھ کریندو تے ناں گھن تے بارات گھن آوݨ دی ڳالھ کریندو تاں اے جمہوریت اتے آئین سانڳے خودکشی دے مترادف اے، جلسہ اچ کئی لائناں کراس تھئن ، وفاق،آئین تے جمہوری اقداردیاں حداں پار کیتیاں ڳئن ساݙے لیڈرز وی گرفتارتھئن اساں تاں ایہو سویں ڳالھ نی کیتی ، نظام برقراررکھݨ سانڳے اساں آپݨا کردار جاری رکھیا تاٖ اساں او زبان نی ٻولی جیڑھی جلسے اچ ٻولی ڳئی ۔عدالتاں توں آپݨے رہنمائوں کوں آزاد کرݨ پرکوئی اعتراض کائنی ۔ جے اے سلسلہ جاری رہیا تاں آئین اتے ادارے مفلوج تھی ویسن۔ قطبیت اتنی بڑھ چکی اے جو ساݙے نال آلے ادارے بارے آکھیا ویندے جو اکتوبر اچ کیڑھا کیں دے کھڑا ہوسی ۔ سیاست اچ جیڑھی تلخی اے پاکستان دی تاریخ اچ ایندی مثال نی ملدی ۔ زرداری صاحب کہیں سزادے بغیر11 سال جیل اچ رہیے ، ݙوجھے پاسے مقدمیں موجود ہن ایں سانڳے آئین کوں کمزور نہ کیتا ونڄے تے ملکی حداں کوں کراس نہ کیتا ونڄے، جھیڑے ??کاوݨ تے ہاؤس دی بقا سانڳے سپیکر کوں آپݨا کردار نبھاوݨا ہوسی ، مسئلے گھٹ تھین??ے ، مہانگ وی گھٹدی پئی اے ، ترسیلات زرودھ ڳئن جیں توں سمندرپارپاکستانیاں دا ملک تے اعتماد نظر آندا پئے، ایوان کوں فعال بݨاوݨ سانڳے سپیکر کوں رستہ کڈھݨا چاہیدے
