اسلام آباد – 22 – آگسٽ (اي پي پي) صدر آصف علي زرداري ٻوڏ دوران ايشيائي ترقياتي بئنڪ پاران پاڪستان جي مدد کي ساراهيندي زراعت، آبپاشي ۽ تعليم جي شعبي ۾ بئنڪ جي ملڪ جي لاءِ خدمتن کي ساراهيو آهي. ايوان صدر جي پريس ونگ پاران جاري بيان موجب صدر اهڙن خيالن جو اظهار ايشيائي ترقياتي بئنڪ جي ڪنٽري ڊائريڪٽر ينگ يي سان ملاقات دوران ڳالهائيندي ڪيو جنهن ساڻس ايوان صدر ۾ ملاقات ڪئي. ايشيائي ترقياتي بئنڪ جي ڪنٽري ڊائريڪٽر صدر کي پاڪستان جي سماجي ۽ معاشي ترقي ۾ بئنڪ جي ڪردار بابت ٻڌايو. صدر ٻوڏ دوران ايشيائي ترقياتي بئنڪ پاران پاڪستان جي مدد کي ساراهيو ۽ موسمياتي تبديلي کي منهن ڏيڻ جي لاءِ پاڪستان جي قدمن تي روشني وڌي. آصف علي زرداري چيو ته پاڪستان لکين ايڪڙ زمين تي تمر جا ٻيلا هنيا آهن.
مضمون کا ماخذ : کمپیوٹر لاٹری آن لائن
