اسلام آباد ۔ 30 جنوری (اے پی پی) وزیراعظم عمران خان ’ وفاقی دارالحکومت اچ امن و امان دی صورتحال اچ بہتری دی حوصلہ افزائی کریندیں ہوئیں آکھیا جو اسلام آباد ہر لحاظ نال ہک ماڈل سٹی ہوونڑاں چاہیدے،کمزور طبقے دے تحفظ کوں یقینی بنڑاونڑ اتے وڈے جرائم پیشہ عناصر اتے قبضہ مافیا دے نیڑے بیا گھیرا تنگ کیتا ونجے،سی ڈی اے اچ اصلاحات دا بنیادی مقصد عوام کوں بہترین شہری سہولتاں ڈیونڑ دے نال نال معاشی تے اقتصادی عمل اچ نشابر ودھاورا ہوونڑاں چاہیدے جو روزگار دے موقع ملن اتے لوکاں دا معیار زندگی بہتر تھیوے۔اے گالھیں انہاں اسلام آباد اچ امن و امان دی صورتحال،ترقیاتی معاملے اتے شہریاں کوں بہتری شہری سہولتاں ڈیونڑ بارے جائزہ اجلاس دی صدارت کریندیں ہوئیں آکھی۔وزیراعظم آفس توں جاری بیان دے مطابق اجلاس اچ وفاقی وزیر تعلیم شفقت محمود، وزیر برائے منصوبہ بندی اسد عمر، معاون خصوصی علی نواز اعوان، رکن قومی اسمبلی راجہ خرم شہزاد نواز، چیئرمین سی ڈی اے عامر احمد علی، آئی جی اسلام آباد محمد عامر ذوالفقار خان اتے سینئر افسر شریک تھیے۔چیئرمین سی ڈی اے وزیراعظم کوں وفاقی دارالحکومت اچ جاری ترقیاتی منصوبے،شہریاں کوں بین الاقوامی معیار دی شہری سہولتاں ڈیونڑ بارے تفصیلی طور بریفنگ ڈتی۔وزیراعظم کوں وفاقی دارالحکومت دے انتظامی معاملیاں اچ بہتری دے بعد کیتے گئے نویں اقدامات،ترقیاتی منصوبےاں تے پیشرفت،محصولات دی وصولی اچ ودھارا، لینڈ ریکارڈ، ڈومیسائل، گاڈیاں دی رجسٹریشن، اسلحہ لائسنس دی ڈیجٹلائزیشن اتے شہریاں سانگے بی سہولتاں دی ہکے چھت تلوں فراہمی سانگے بنڑائے مراکز جیہے اقدامات تے تفصیلی بریفنگ ڈتی۔
وزیراعظم عمران خان دی صدارت اچ اجلاس،اسلام آباد اچ امن و امان دی صورتحال،ترقیاتی معاملے اتے شہریاں کوں بہتری شہری سہولتاں ڈیونڑ بارے جائزہ گھد اگیا
مضمون کا ماخذ : بک آف ڈیڈ
متعلقہ مضامین
