اسلام آباد۔4 فروری(اے پی پی) د وزيراعظم د كشمير او ګلګت بلتستان چارو سلاكار قمر زمان كائره وئيلي دي چې د فرورۍ 5 مه نېټه د اتوار ورځ د كشمير يووالي ورځې په توګه لمانځلو له اړوندې تياريانې بشپړ كړې شوي دي۔ د كشمير او ګلګت بلتستان چارو وزارت لخوا د جاري شوي بيان له مخې په دې موقعه به د هېواد دننه او بهر هېوادونو كښې خپلو كشميري وروڼو خوېندو سره د بشپړه يووالي څرګندونه كولې شي۔ قمر زمان کائرہ ووئيل كشميري شهيدانو ته د عقيدت پېرزوئنې وړاندې كولو له به د فرورۍ په 5 مه نېټه سهار 10 بجې په ټول هېواد كښې يوې دقيقې لپاره خاموشي خپلولې شي۔ ده زياته كړه چې په شاهراه دستور اسلام آباد به كشميري اولس سره يووالي له لاريون ويستلې شي۔ قمر زمان کائرہ ووئيل په دې موقعه به وزيراعظم شهباز مظفر آباد ته ځي او د آزاد كشمير قانون ساز اسمبلۍ ته به خطاب كوي۔ په دې موقعه به د صدر او وزيراعظم لخوا د كشمير يووالي ورځې حوالې سره خصوصي پېغامونه خپرولې شي۔ ده ووئيل د پرنټ او الېكټرانك ميډيا سره سره په سوشل ميډيا به هم كشميري اولس سره د يووالي څرګندونه كولې شي۔ ده ووئيل د كشمير يووالي ورځې حوالې سره به د اطلاعاتو او خپرونې وزارت ٬ پي ټي وي ٬ د اے جے كے ټي وي ورلډ او راديو د لارې بېل پروګرامونه خپرولې شي۔ ده ووئيل سي ډي اے هم د اسلام آباد په ټولو مهمو لارو د كشمير يووالي ورځې حوالې سره بېنرې زوړندې كړې دي۔ ده ووئيل په ټولو صوبائي سرښارونو كښې به په دې ورځ خصوصي دستورې ٬ سيمينارونه ٬ عسكي نندارتونه او تقرريري مقابلې كولې شي۔ قمر زمان کائرہ ووئيل په مظفر آباد او آزاد كشمير كښې هم خاص سيمينارونه ٬ عكسي نندارتونونه او تقريري او تحريري مقابلې كولې شي۔ ده ووئيل د كوهاله پل په شمول آزاد كشمير سره په تړونكو ټولو لارو به دستورې كولې شي په كومو كښې به چې د صوبو وزيران هم ګډون كوي۔ ده ووئيل دې سره سره پاكستان سپورټس بورډ په سپورټس كمپلېكس كښې د دې ورځې مناسبت سره د يو فټ بال او هاكۍ مېچ كولو انتظام هم كړے دے۔
د فروري 5 مه نېټه د كشمير يووالي ورځې په توګه لمانځلو له تياريانې بشپړ كړې شوي دي ٬ قمر زمان كائره
مضمون کا ماخذ : کمپیوٹر لاٹری لائیو
متعلقہ مضامین
