اسلام آباد۔25فروری (اے پی پی) وزیر خارجہ شاہ محمود قریشی آکھیا جو پاکستان کہیں کیمپ پالیٹیکس دا حصہ نہ ٻݨسی، اساں معاشی اتے انسانی طور تے گروپ سیاست دی وݙی قیمت ݙتی اے، پاکستان دے فائدے کوں پہلے ݙیکھسوں، روس گوادر اچ ایل این جی ٹرمینل ٻݨاوݨ چاہندے، وزیراعظم مناسب ویلھے اتے ڄاہ تے یوکرین بارے ڳالھ کیتی، پاکستان دے یورپی یونین، امریکہ سودھے دنیا دی ساری طاقتاں نال چنڳے تعلقات ہن۔ روس یوکرین تنازعہ سفارتی کوششاں نال حل تھیوݨا چاہیدے۔ وزیراعظم عمران خان دی روسی قیادت نال ملاقاتاں اچ ??اک روس طویل المدتی کثیرالجہتی تعلقات دے ودھارے اتے توانائی دے شعبے اچ تعاون تے ڳالھ تھئی۔ پاکستان روس نال طویل المدتی بنیاداں تے گیس گھنݨ اچ دلچسپی رکھیندے۔ جمعے کوں وزارت ??ارجہ اچ وزیراعظم دے اڄوکے دورہ روس بارے پریس کانفرنس توں خطاب کریندیں ہوئیں وزیرخارجہ آکھیا جو ماسکو اچ ??اک روس قیادت وچال ملاقات اچ ݙو ??اسہ تعلقات دا جائزہ ڳھدا ڳیا۔ وزیراعظم دی روسی صدر نال ساݙھےترائے گھنٹے دی ملاقات اچ ݙو ??اسہ تعلقات، علاقائی معاملے خصوصی طور افغانستان دی صورتحال اتے جنوبی ایشیا اچ امن تے استحکام اتے سلامتی با??ے معاملیاں تے بحث کیتی ڳئی۔ روس دے نائب وزیراعظم اتے وزیر توانائی نال ملاقاتاں اچ وی ݙو ??اسہ تعلقات اتے تعاون ودھاوݨ بارے سرمایہ کاری دے موقعیاں تے ڳالھ کیتی ڳئی۔ روس دے سرمایہ کاراں مارچ دے چھیکڑ اچ اسلام آباد اچ تھیوݨ آلی سرمایہ کاری کانفرنس اچ شامل تھیوݨ دی دلچسپی دا اظہار وی کیتا۔ انہاں آکھیا جو وزیراعظم ماسکو اچ مسیت دا دورہ وی کیتا اتھاں دی سہولتاں ݙیکھݨ دے قابل ہن۔ وزیر خارجہ آکھیا جو افغان مسئلے تے 30 اتے 31 مارچ کوں بیجنگ اچ نشست تھیسی جئیں اچ روس سودھے افغانستان دے ہمسائے ملکاں دے وزرائے خارجہ شریک تھیسن۔ انہاں آکھیا جو عالمی مارکیٹ اچ تیل دے نرخ ہݨ سو ڈالر توں ودھ ڳئن جڈانجو کنڑک دے نرخاں تے وی اثرات پوسن۔ وزیر خارجہ آکھیا جو ڈائیلاگ اتے ڈپلومیسی دی اہمیت توں انکار نی کیتا ونج سڳدا۔ ملکی سیاست بارے ہک سوال دے ولدے اچ انہاں آکھیا جو اپوزیشن دی ملاقاتاں دا اساں تے کوئی اثر نی پوندا۔
پاکستان کہیں کیمپ پالیٹیکس دا حصہ نہ ٻݨسی، روس گوادر اچ ایل این جی ٹرمینل ٻݨاوݨ چاہندے، وزیراعظم مناسب ویلھے اتے ڄاہ تے یوکرین بارے ڳالھ کیتی، وزیر خارجہ شاہ محمود قریشی دی وزیراعظم دے دورہ روس بارے پریس کانفرنس
مضمون کا ماخذ : میگا ملینز کا بونس
متعلقہ مضامین
