اسلام آباد۔7دسمبر (اے پی پی) سپریم کورٹ اچ ایکٹ 2010 ء دے ذریعے بحال تھیوݨ آلے سرکاری ملازمین کوں برطرف کرݨ متعلق عدالتی فیصلے دے خلاف دائر نظر ثانی درخواستاں تے مزید سماعت صبحائیں ٻدھ کوں تھیسی۔ منڳل کوں جسٹس عمر عطا بندیال دی سربراہی اچ پنج رکنی لارجر بینچ ایکٹ 2010 ء دے ذریعے بحال تھیوݨ آلے سرکاری ملازمین کوں برطرف کرݨ متعلق عدالتی فیصلے دے خلاف وفاقی حکومت اتے ٻئے ولوں دائر نظر ثانی درخواستاں تے سماعت کیتی ۔ دوران سماعت انٹیلی جینس بیور (آئی بی) توں برطرف ملازمین دے وکیل اعتزاز اح??ن دلائل ݙیندے ہوئیں موقف اپنائے جو 1996 ء اچ نگران حکومت میڈے موکلان کوں نوکریاں توں کڈھیے ،نگران حکومت ختم تھیوݨ توں ھک ݙینھ پہلے غیر قانونی طریقے نال میݙے موکلان کوں کڈھیا ڳئے ، سپریم کورٹ ݙو فیصلیں اچ اصول طے کر چکی اے جو نگران حکومت ملازمتاں ݙیوݨ یا نوکریاں توں کڈھݨ دا اختیار نی رکھیندی ۔ ایں دوران جسٹس منصور عل?? شاہ سوال چاتے جو صرف 1993ء توں 1996ء دے دوران کڈھیے ڳئے ملازمین دی بحالی دا قانون کیوں بݨایا ڳیا،ایں عرصہ توں پہلے اتے بعد اچ بھی کئی ملازمین اداریں توں کڈھیے ڳئن ، صرف ھک مخصوص عرصہ (پیریڈ) اچ کڈھیے ڳئے لوکاں کیتے قانون کیوں بݨیا ،1993ء توں 1996 ءدے دوران نہ کوئی خانہ جنگی دی صورتحال ہئی اتے نہ ہی ایں دوران کوئی وبا ہئی ،کجھ ملازمین کوں 11 سال بعد بحال کرݨ کیا ݙوجھے ملازمین دا استحصال کائنی ،ݙاہ سال دی بغیر نوکری کیویں تنخواہ اتے مراعات کیویں ݙتی ونڄ سڳدی اے ۔ جیں تے اعتزاز اح??ن موقف اپنائے جے میݙے موکلان غیر قانونی طریقے نال بھرتی تھئے ہوندے تاں ول مراعات گھنݨ غلط ہئی ،قانونی طریقے نال ا??اک??ں بھرتی کیتا ڳیا کہیں آئی بی اچ میݙے موکلان دیاں بھرتیاں کوں چیلنج وی نی کیتا ایں ویلھے دی حکومت قانون سازی دے ذریعے نگران حکومت دی غلطی کوں درست کیتا،پارلیمنٹ قانون سازی ا?? خود مختار اے،سپریم کورٹ دے ھک سترہ رکنی فل کورٹ بینچ پارلیمنٹ دی بالادستی کوں تسلیم کیتے، اے اوں دور دی ڳال اے جݙاں وݙے وݙے عدالتی بینچز بݨدے ہن ۔ ایں موقع تے جسٹس منصور عل?? شاہ ریمارکس ݙتن جے قانون بنیادی حقوق دے منافی ہووے تاں عدالت کالعدم کرسڳدی ۔ دوران سماعت ایس این جی پی ایل دے وکیل وسیم سجاد جسٹس منصور عل?? شاہ دی طرفوں پچھیے ڳئے سوال دا جواب ݙتے ، ایں دوران جسٹس عمر عطا بندیال وکیل اعتزاز اح??ن کوں الویندے ہوئیں ریمارکس ݙتن جو نگران حکومت نوکریاں توں درست کڈھیے یا غلط نظرثانی کیس اچ ایں معاملے کوں نی ݙیکھ سڳدے ،ملازمین دے حق اچ پہلے آرڈیننس بعد اچ ایکٹ آئے تساں ایں تے دلائل ݙیو ۔جس پر اعتزاز اح??ن موقف اپنائے جو میݙے موکلان دے کیس اچ آرڈیننس یا ایکٹ دی لوڑھ ہی کائنی، درخوست گزرا آئی بی ملازمین آرڈیننس دے اجراء دے بعد وی ݙال سال تئیں ملازمت کیتی ۔ جسٹس منصور عل?? شاہ ایں موقع تے پچھیے جو کیا سپریم کورٹ ایکٹ آف پارلیمنٹ کوں کالعدم قرار ݙے سڳدی اے ۔ جیں تے وکیل اعتزاز اح??ن موقف اپنائے جو سپریم کورٹ کوں اختیار حاصل اے لیکن ایکٹ کوں محفوظ بݨاوݨ دی کوشش کرݨی چاہیدی اے ، جے ایکٹ آف پارلیمنٹ بنیادی حقوق نال متصادم ہووے تاں اینکوں کالعدم قرار ݙتا ونڄ سڳدے ۔
سپریم کورٹ اچ ایکٹ 2010 ء دے ذریعے بحال تھیوݨ آلے سرکاری ملازمین کوں برطرف کرݨ متعلق عدالتی فیصلے دے خلاف دائر نظر ثانی درخواستاں تے مزید سماعت صبحائیں ٻدھ کوں تھیسی
مضمون کا ماخذ : آن لائن لاٹری
متعلقہ مضامین
