اسلام آباد ۔ 06ستمبر(اے پی پی) اتوار کوں پورے ملک اچ یوم دفاع و شہدا روایتی جوش وجذبے نال منایا گیا ، ڈینھ دا آغاز مسیتاں اچ ملک دی سلامتی تے استحکام کیتے خصوصی دعاواں نال تھیا ۔مزار قائد تے گارڈ دی تبدیلی تھئی پاک فضائیہ دے دستے گارڈ دے فرائض سانبھ گھدے، جی ایچ کیو دی مرکزی تقریب اچ آرمی چیف جنرل قمر جاوید باجوہ یادگار شہدا تے پھل چڑھائے ۔ ڈینھ دی مناسبت نال صدر مملکت، وزیر اعظم، چیئرمین و ڈپٹی چیئرمین سینیٹ، قومی اسمبلی دے سپیکر و ڈپٹی سپیکر اتے وزراءاعلی سمیت اہم سیاسی شخصیات دے خصوصی پیغامات نشر اتے شائع کیتے گئن ۔ اخباراں اچ یوم دفاع دی مناسبت نال خصوصی ایڈیشن وی چھاپے گن جیں اچ مادر وطن دے تحفظ اتے سلامتی کیتے قربانیاں ڈیونڑ آلے شہیداں تے غازیاں کوں خراج تحسین پیش کیتا گئے ۔ الیکٹرانک میڈیا تے خصوصی پروگرام نشر کیتے گئن ۔
مضمون کا ماخذ : خلائی جنگیں
