اسلام آباد – 15 – جنوري (اي پي پي) اطلاعات ۽ نشريات واري وزارت جو ادارو پريس انفارميشن ڊپارٽمينٽ (پي آءِ ڊي) 2024ع جي عام چونڊن کان اڳ عوام ۾ ووٽ جي اهميت، چونڊ نظام ۽ چونڊيل نمائندن جي ڪردار سميت چونڊ عمل جي حوالي سان آگاهي مهم جي ذريعي وسيع تر عوام جي ڄاڻ کي وڌائڻ لاءِ پرعزم آهي ته جيئن عوام پنهنجي قومي ذميواري جي خوش اسلوبي سان سرانجام ڏيڻ جي ذريعي هڪ مستحڪم جمهوري نظام جي فروغ ۾ پنهنجي فعال ??رڪ?? کي يقيني بڻائي سگهي. ان سلسلي ۾ پريس انفارميشن ڊپارٽمينٽ جي اهتمام هيٺ سيمينارز جو هڪ سلسلو شروع ڪيو ويو آهي ته جيئن 8 فيبروري تي ٿيندڙ چونڊن ۾ ووٽرز جي فعال ??رڪ?? کي يقيني بڻائي سگهجي. پي آءِ ڊي پاران جاري پڌرائي موجب انهن سيمينارز ۾ مرڪزي ڌارا جي سياسي پارٽين، اليڪشن ڪميشن آف پاڪستان، ميڊيا، دانشورن، سول سوسائٽي ۽ عوامي نمائندن کي گهرايو ويو آهي. اهي سيمينار شهرين کي ووٽ وجهڻ جي اهميت، چونڊ نظام ۽ چونڊيل نمائندن جي ڪردار کان آگاهه ڪرڻ جي لاءِ هڪ پليٽ فارم مهيا ڪندا. پي آءِ ڊي پاران منعقد ٿيندڙ سيمينارز عوامي آگھاهي کي فروغ ڏئي عوام کي فيصلاسازي جي لاءِ بااختيار بڻائڻ جي ڪوشش ڪندا جيڪي آخرڪار وڌيڪ مضبوط ۽ جوابده جمهوري نظام ۾ حصو وٺندا. ان حوالي سان 11 جنوري تي پريس انفارميشن ڊپارٽمينٽ مقامي هوٽل ۾ ”پاڪستان جون 2024ع جون عام چونڊون: سياسي پارٽين جي اقتصادي ايجنڊا“ جي موضوع تي پهرين سيمينار جو اهتمام ڪيو جنهن ۾ اطلاعات، نشريات ۽ پارلياماني معاملن واري نگران وفاقي وزير مرتضيٰ سولنگي، اطلاعات ۽ نشريات واري وفاقي سيڪريٽري شاهيره شاهد، سياسي پارٽين جي اڳواڻن، اقتصادي ماهرن، سينيئر صحافين سميت سمورين ڌرين ??رڪ?? ڪئي. سيمينار ۾ 2024ع جي عام چونڊن جي تياري جي لاءِ پيش ڪيل سياسي پارٽين جي اقتصادي سڌارن جي ايجنڊا تي ڌيان ڏنو ويو. واضح رهي ته ووٽر مختلف سياسي ادارن پاران پيش ڪيل معاشي تصورن ۾ گهري دلچسپي رکن ٿا ۽ ان سيمينار جو مقصد پاڪستان جي سياسي ميدان ۾ سياسي پارٽين جي ذريعي تصور ڪيل معاشي منظرنامي جو هڪ ٺوس جائزو فراهم ڪرڻ هو. ان سلسلي جو ٻيو سيمينار ”پاڪستاني چونڊ تڪن جو بدلجندڙ منظرنامو ۽ منصفاڻي نمائندگي ۾ سياسي پارٽين جو ڪردار“ جي موضوع تي 18 جنوري تي ??سلام آباد ۾ منعقد ٿيندو. ”چونڊ ضابطه اخلاق: ميڊيا سميت ڌرين جي اخلاقي پريڪٽسز“ جي عنوان سان ٽيون سيمينار 25 جنوري تي منعقد ڪيو پيو وڃي جڏهن ته چوٿون ۽ آخري سيمينار پهرين فيبروري تي ”نوجوانن، عورتن، ٽرانسجينڊرز ۽ ثقافتي ??قليتن جي سياسي ??رڪ?? ۽ اختيار“ جي موضوع تي منعقد ٿيندو.
2024 جُون عام چُونڊُون، پريس انفارميشن ڊپارٽمينٽ پاران ايندڙ سيمينار 18 جنوري تي اسلام آباد ۾ ٿيندو
مضمون کا ماخذ : لاٹری کے عمومی نمبر
متعلقہ مضامین
