اسلام آباد/لندن ۔7ستمبر(اے پی پی) نائب وزیراعظم تے وزیر خارجہ اسحاق ڈارآ??ھی?? یوم دفاع پاکستان تے غازیاں تے شہیداں کوں سلام پیش کریندوں ، آپݨے مادر وطن دے دفاع سانڳے جاناں دا نذرانہ ݙیوݨ آلے شہیداں کوں خراج عقیدت پیش کریندوں ۔ نائب وزیراعظم آفس توں جاری بیان موجب اے ڳالھ انھاں لندن اچ یوم دفاع پاکستان دی تقریب اچ پاکستانی کمیونٹی توں خطاب اچ آکھی ، انھاں پاک برطانیہ تعلقات ودھاوݨ اچ برطانیہ اچ رہݨ آلے پاکستانیاں دے کردار دی تعریف کیتی تے آ??ھی?? اوورسیز پاکستانی قوم دا سرمایہ ہن ،پاکستانیاں برطانیہ دی تعمیر و ترقی اچ اہم کردار نبھائے، وݙی تعداد اچ پاکستانی نژاد برطانوی پارلیمنٹ دا حصہ ہن، سارے اوورسیز پاکستانی ملک دی ترقی سانڳے آپݨا کردار نبھاون ۔اسحاق ڈارآ??ھی?? وزیراعظم محمد شہباز شریف ملک کوں بحراناں توں کڈھݨ سانڳے کوشاں ہن ،انشااللہ پاکستان ٻہوں وختی ھک خوشحال ملک ہوسی ،دہشت گردی منڈھوں مکا ݙیسوں ،دہشت گردی تے قابو پاوݨ سانڳے چنڳے اقدامات جاری ہن ،فتنہ الخوارج سکولاں کوں نشانہ بݨائے،ٻالاں کوں شہید کیتے فتنہ الخوارج مکاوݨ سانڳے سیکورٹی فورسز ݙینھ رات کوشاں اے ، ملک دے معاشی اشاریے سدھے پاسے ٹردے پئن ،ملک دی معیشت مستحکم کرݨ سانڳے ساریں کوں کردار نبھاوݨا ہوسی ،ماضی اچ صحیح پاسے ویندی معیشت کوں منفی پاسے موڑ ݙتا ڳیا ، محمد نواز شریف ملک اچ ترقیاتی منصوبیں دا ڄال وچھایا ،نواز شریف دی حکومت ملک توں لوڈشیڈنگ دے اندھارے مکائے ، نواز شریف دیاں پالیسیاں پاروں ملکی معیشت تکڑ تھئی ، نواز شریف دی حکومت اچ پاکستان دنیا دی 24ویں معیشت بݨ چکیا ہئی ، محمد شہباز شریف اوکھے ویلھےے ملک دی بھڄ دھرک سانبھی ۔نائب وزیراعظم و وزیر خارجہ اسحاق ڈار آ??ھی?? مثبت سیاست کرو ،منفی سیاست کرتے ملکی مفاد کوں داؤ تے نہ لاؤ ،پی ٹی آئی دے وزیر دے غیر ذمہ دارانہ بیان پی آ ئی اے کوں ضیان پڄائے، بلوچستان دا امن تباہ کرݨ دی سازش کیتی ویندی پئی اے ، پی ٹی آئی دور اچ فتنہ الخوارج کوں پاکستان اچ وسایا ڳیا ملک توں دہشت گردی ہرصورت مکیسوں۔
