اسلام آباد۔8نومبر (اے پی پیوزیرِ اعظم دے معاونِ خصوصی موسمیاتی تبدیلی ملک امین اسلم آکھیے جو سموگ ودھݨ دا باعث بݨݨ آلے ذرائع تے قابو پاوݨ صحت اتے ماحول تے منفی اثرات کوں روکݨ کیتے بہترین ثابت تھیسی۔آپ دے ہک بیان اچ انہاں نشاندہی کیتی جو عالمی ادارہ صحت موجب اوزون ، کاربن مونو آکسائڈ ، سلفر آکسائڈ ، نائٹروجن آکسائڈ ، اتے سیسہ جیہے عناصر فضائی آلودگی دی اہم وجوہات اچ شمار ہوندن ۔ جݙاں جو اساݙے ملک اچ اے عناصر چاول دی فصل دی باقیات کوں بھاہ لاوݨ ، روایتی سلھاں دے بھٹے اچ غیر معیاری ایندھن دے استعمال ، ٹھوس فضلہ ساڑݨ ، ناقص و فرسودہ ذرائع نقل و حمل اتے فیکٹریاں اچ ضیان آلیاں چیزاں دے استعمال نال فضا اچ رل تے ملک دے مختلف حصیں خصوصاً شمالی پنجاب اچ سموگ پیدا تھیوݨ دی وجہ بݨدے پن عوام دی صحت اتے ماحول کوں ضیان پڄیندے پئن ۔
مضمون کا ماخذ : خلائی جنگیں
