لاہور۔5نومبر (اے پی پی): ریاستی اداریں دے خلاف زہر اگلݨ آلے باہر آلے آلہ کاراں اتے سہولت کاراں کوں بے نقاب کریسوں، عوام اتے میڈیا ملک دشمن لوکاں کوں سنڄاݨدن اتے لٹیا ہویا مال بچاوݨ کیتے انہاں دیاں ساریاں تدبیراں ناکام تھی گین، ظل سبحانی دی راج کماری اقتدار توں باہرو ایویں تڑپدی پئی اے جیویں مچھی پاݨی توں باہرو تڑپدی اے، جلسے جمہوریت دا حسن ہوندن بھل ملک دشمنی دی اجازت نہ ݙیسوں۔اے ڳالھ معاون خصوصی وزیراعلیٰ پنجاب برائے اطلاعات ڈاکٹر فردوس عاشق اعوان ڈی جی پی آر لاہور اچ پریس کانفرنس اچ آکھی۔ انہاں آکھیا جو میݙی تقرری دی خبر اپوزیشن تے وݙا بم بݨ تے ڈھٹھی اے جیندا دھواں ہݨ تئیں اٹھدا پئے، بھل ولا وی اپوزیشن دے زخماں تے ملم لاوݨ کوں تیار ہیں کیوں جو اساں ساریاں مل تے عوامی مسلے حل کرݨن، حکومت کساناں دے مسائل حل کرݨ کیتے ٻہوں کم کریندی پئی اے، معاشی حالات اچ چنڳائی سانگے کاشتکاراں کوں ودھ ریلیف ݙیسوں، اڄ ڄیڑھا ٹولہ کساناں دا کوڑا حمایتی بنݨدا پئے انہاں توں پچھیا ونڄے جو ماضی اچ انہاں دیاں حکومتاں کݨک، ڳنے اتے ٻیاں فصلاں دی سپورٹ پرائس کیوں نہ ودھائی ھئی ڄڈاں جو بزدار حکومت ڳھت ویلھے اچ کݨک دی امدادی قیمت اچ 300روپے ودھارا کیتے اتے ڳنے دے کاشتکاراں کوں 175ارب روپےدی ادائیگی کیتی اے، بے گھر صحافیاں کیتے گھراں دا مسئلہ حل کرݨ کیتےصوبے اچ صحافی کالونیاں بݨاوݨ دی پالیسی گھن تے اندے پئے ہیں، اساݙی پالیسی اے جو صحافیاں دیاں نمائندہ تنظیماں ، پریس کلباں اتے باڈیز کوں نال گھن تے ٹروں۔ ڈاکڑفردوس عاشق اعوان آکھیے جو محکمہ اطلاعات کوں اڄوکے دور دی لوڑھ دے مطابق جدید ٻݨیسوں۔ انہاں آکھیے جو صحافیاں اتےمحکمہ اطلاعات دے نمائندیاں دی استعدادکار اچ ودھارے کیتےDigital Communication Academy ہک سنگ میل ثابت تھیسی۔
ریاستی اداریں دے خلاف زہر اگلݨ آلے باہر آلے آلہ کاراں اتے سہولت کاراں کوں بے نقاب کریسوں‘معاون خصوصی ڈاکٹر فردوس عاش اعوان
مضمون کا ماخذ : جنگل کا بادشاہ
متعلقہ مضامین
