رینالہ خورد۔ 4 مئی (اے پی پی) وزیراعظم عمران خان آکھیے جو ہر پاکستانی ??ے سر تے اپنڑی چھت ہک خواب اے جیکون پورا کیتا ویسی،پاکستان کوں مدینہ دی ریاست دے اصولاں تے کھڑا کرنڑ دے خواب کوں پورا کرنڑ کیتے لگے ہوئے ہیں،نیا پاکستان ہاوسنگ منصوبہ نال 40 صنعتاں کوں ودھارا ملسی،شرح نمو ودھنڑ نال خوشحالی آسی،نینگراں کوں روزگار ملسی،لوکاں دا اپنڑا گھر دا خواب پورا تھیسی۔اے گال وزیراعظم عمران خان رینالہ خورد اچ نیا پاکستان ہاوسنگ منصوبہ دے سنگ بنیاددی تقریب نال خطاب اچ آکھی۔ایں توں پہلے وزیراعظم رینالہ خورداچ نیا پاکستان ہاوسنگ سکیم دا سنگ بنیاد رکھیا۔انہاں وزیراعلیٰ پنجاب دی تعریف کریندے آکھیا جو عثمان بزدار دی ٹیم پنج سال اچ 50 لکھ گھربنڑاونڑ دی ہاوسنگ پالیسی اچ ودھ حصہ پاتے ،جے تئیں معاشرے اچ احساس نہ ہووے اومعاشرہ کڈاھیں وی اگو تے نئین ودھ سگدا،تعلیم، انصاف، غریباں کوں روٹی اتے چھت ڈیونڑ ریاست دی ذمہ داری اے،یورپ اچ این ویلھے جھیہڑانظام اے او سرکار مدینہ ریاست مدینہ اچ متعارف کرایاہا اتے فلاحی ریاست مدینہ دی بنیاد تے ہک ہزار سال تئیں مسلم دنیا دی امامت دا ذریعہ بنڑی،اساں وی ریاست مدینہ دے طرز تے پاکستان کوں ڈھال تے لوکاں دا جیونڑ اچا کرنڑ چاہندے ہیں جیندے کیتے سارے وسائل لائے ویسن،ساڈی کوشش ہوسی جو معاشی صورتحال خراب ہوونڑ دے باوجوداساں50 لکھ گھربنڑیسوں،ہنڑ اے منصوبے سارے پاکستان اچ شروع کیتے ویندے پن،کچی آبادیاں کیتے وی پروگرام شروع کیتا ویندا پئے۔
پاکستان کوں مدینہ دی ریاست دے اصولاں تے کھڑا کرنڑ دے خواب کوں پورا کرنڑ کیتے لگے ہوئے ہیں،وزیراعظم
مضمون کا ماخذ : کنگ کانگ روش
متعلقہ مضامین
