اسلام آباد ۔ 30 نومبر (اے پی پی) وزیراعظم عمران خان تے تشویش کریندیں ہوئیں آکھیا جو اے گالھ کہیں طور قبول کائنی جو جیڑھے لوک باقاعدگی نال اپنڑے بقایے ڈیون اتے انہاں کوں کجھ لوکاں دی چوری پاروں لوڈشیڈنگ جھلنڑی پووے،وزیراعلیٰ اتے وزیربجلی پریس کانفرنس نال اے معاملہ عوام دے سامنڑے رکھن اتے پورے ملک چ بجلی چوری دے خلاف جاری حکومتی کریک ڈاﺅن اچ انہاں دی مدد گھدی ونجے۔جمعہ کوں وزیراعظم دی صدارت اچ پاور دے شعبے بارے مسئلے تے بحث کرنڑ سانگے اجلاس تھیا جئیں اچ بجلی دی چوری دے خلاف ملک گیر کریک ڈاﺅن اتے پاور سیکٹر دے ضیان روکنڑ بارے پیشرفت بارے ڈسیا گیا۔اجلاس اچ وزیر بجلی عمر ایوب، وزیراعلیٰ خیبر پختونخوا محمود خان، سیکریٹری بجلی عرفان علی، خیبر پختونخوا دے سیکریٹری داخلہ اکرام اﷲ، انرجی ٹاسک فورس دے سربراہ ندیم بابر اتے اعلیٰ حکام شریک تھیے۔وزیراعظم عمران خان کوں ڈسیا گیا جو پاور ڈویژن صوبائی ٹاسک فورس دے نال رل تے بجلی چوری اتے ضیا?? دے خلاف سارے صوبیاں اچ مہم چلیندا پے ،بجلی دے ضٰان اچ ملوث کجھ عناصر دے نال نال بجلی چوراں اچ سہولت ڈیونڑ آلے ملازماں دے خلاف وی سختی نال کاروائی کیتی ویندی پئی اے۔
وزیراعظم دی صدارت اچ پاور دے شعبے بارے اجلاس، بجلی چوری تے سخت تشویش
مضمون کا ماخذ : لاٹری آن لائن
متعلقہ مضامین
