اسلام آباد ۔ 18 مئی (اے پی پی) قومی اسمبلی اجوکے مالی سال دے 333 ارب روپے توں ودھ دے مجموعی طور تے 127 ضمنی مطالبات زر دی منظوری ڈے ڈتی اے۔ جمعے کوں وزیر خزانہ مفتاح اسماعیل ضمنی مطالبات زر ایوان اچ منظوری سانگے پیش کرنڑ چاہیے تاں اپوزیشن ولوں پیپلز پارٹی دی رکن قومی اسمبلی شازیہ مری ضمنی بجٹ اتے گرانٹ دی مخالفت کیتی گے آکھیا جو بجٹ پیش کرنڑ سانگے تیاری کرنڑیں چاہیدی ہئی ، ایجھے امور کوں وی ضمنی بجٹ اچ شامل کیتا گے جیرھا جو بجٹ دا ??ازمی حصہ ہوندن ۔ انہاں آکھیا جو ضمنی بجٹ دے ناں تے ارباں روپے دا بجٹ منظور تھی ویندے لیکن دولت مشترکہ کھیڈاں اچ ملک سانگے اپنڑے بل بوتے تے سونے دا تمغہ جتنڑ آلیں سانگے کجھ وی کائنی ہوندا ،ضمنی بجٹ کوں اساں مسترد کریندوں ۔ ایم کیو ایم دے شیخ صلاح الدین آکھیا جو اساں ضمنی ب??ٹ دی مخالفت کریندوں ایندا سارا بوجھ عوام تے پوسی ۔ جماعت اسلامی دے پارلیمانی لیڈر صاحبزادہ طارق اللہ آکھیا جو ضمنی بجٹ ہنڑ سالانہ بجٹ دا ??ازمی حصہ بنڑ گے ایں رجحان دی حوصلہ شکنی سانگے قانون سازی تھیونڑ یں چاہیدی اے ۔ تحریک انصاف دے رکن اسد عمر آکھیا جو قرضیں دی ری پیمنٹ دا ذکر وی ضمنی بجٹ اچ اے۔ ایندا مطلب اے جو سالانہ بجٹ سانگے تیار ی کائنی تھی ۔ وزیر خزانہ مفتاح اسماعیل بحث سنبھیندے ہوئیں آکھیا جو پچھلے سال دے پہلے مہینے اچ ایف بی آر کوں وصولیاں دے اہداف اچ گھٹکی تھی اے ۔ وزیر خزانہ مفتاح اسماعیل اجوکے مالی سال 2017-18ءدے ہک دے بعد بئے 127 مطالبات زر ایوان اچ منظوری سانگے پیش کیتے جیں دی ایوان منظوری ڈے ڈتی ۔
قومی اسمبلی اجوکے مالی سال دے 333 ارب روپے توں ودھ دے مجموعی طورتے 127 ضمنی مطالبات زر دی منظوری ڈے ڈتی
مضمون کا ماخذ : ایڈونچر کی کتاب
متعلقہ مضامین
