اسلام آباد ۔ 09 فروری (اے پی پی) وفاقی وزیر منصوبہ بندی و ترقی احسن اقبال آکھے جو پبلک سیکٹر اتے سول سرونٹس اساڈی معیشت دی ریڑھ دی ہڈی ہن ۔ خمیس کوں ”ہک ہزار سول ملازماں کیتے ایگزیکٹو منیجمنٹ لیڈرشپ کورس”دی افتتاحی تقریب نال خطاب کریندے ہوئیں انہا?? آکھیا جو ایں کورس دا مقصد موجودہ افسراں کوں منیجمنٹ تے لیڈرشپ سٹائل دے جدید اصولاں بارے متعارف کراونڑ ہے ۔ انہاں جدیدیت اتے ماڈرن تکنیک دی لو ڑ اُتے زور ڈتا جیہڑ ا جو نظام اچ انقلاب گھن آونڑ اچ مدد ڈیسی ۔ وفاق وزیر تسلیم کیتے جو مختلف سرکاری محکمیاں اچ تعینات سول سرونٹس اچ ذمہ داریاں نبھاونڑ دی بھر پور استعداد اتے صلاحیت پاتی ویندی ہے جڈانجو سکور کارڈ اُتے نتیجے چنگے کائنی ۔ انہا?? آکھیا جو برصغیر اچ برطانوی دور توں قائم بیورو کریسی دے پرانڑیں طریقہ کار اچ تبدیلی گھن آونڑ دی لوڑ ہے ۔ احسن اقبال آکھے جو سی پیک پاکستان کیتے ہک بہوں سنہری موقع ہے اتے آکھیا جو اساکوں آپنڑیاں پوریاں صلاحیتاں کوں استعمال اچ گھن آندے ہوئیں ملکی ترقی اتے وقار کیتے کم کرنڑاں چاہیدے ۔
وفاقی وزیر منصوبہ بندی و ترقی احسن اقبال دا ایگزیکٹو مینجمنٹ لیڈرشپ کورس دی افتتاحی تقریب نال خطاب
مضمون کا ماخذ : اسکریچ کارڈ کی پیش گوئی
متعلقہ مضامین
