اسلام آباد۔18دسمبر (اے پی پی) چیئرمین سعودی شوریٰ کونسل چیئرمین ڈاکٹر عبداللہ بن محمد بن ??بر??ہیم الشیخ ݙوہیں ملکاں وچال ݙوپاسہ پارلیمانی رابطے ودھاوݨ دی لوڑھ تے زور ݙیندیں ہوئیں آکھیا جو سعودی شوریٰ کونسل پاکستان دی قومی اسمبلی نال ٹیکنالوجی دے میدان اچ مدد کرݨ چاہندوں۔ بدھ کوں قومی اسمبلی سیکرٹریٹ میڈیا ڈائریکٹوریٹ توں جاری بیان موجب سعودی شوریٰ کونسل دے چیئرمین ڈاکٹر عبداللہ بن محمد بن ??بر??ہیم الشیخ دی سربراہی اچ پارلیمانی وفد وفود دی سطح تے ملاقات کیتی۔ ملاقات اچ سپیکر قومی اسمبلی سردار ایاز صادق اتے شوریٰ کونسل دے چیئرمین ڈاکٹر عبداللہ بن محمد بن ??بر??ہیم الشیخ موجود ہن۔ ملاقات اچ ݙوپاسہ پارلیمانی تے اقتصادی تعلقات کوں ٻیا مستحکم ٻݨاوݨ تے ڳالھ کیتی ڳئی۔ ملاقات اچ ڈپٹی سپیکر قومی اسمبلی سید میر غلام مصطفیٰ شاہ، وفاقی وزیر چوہدری سالک حسین ، اراکین قومی اسمبلی شگفتہ جمانی، گل اصغر خان، سید حفیظ الدین، نور عالم خان، زیب ??عفر اتے صاحبزادہ حامد رضا وی موجود ہن۔ ایں موقع تے سپیکر قومی اسمبلی سردار ایاز صادق سعودی شوریٰ کونسل دے چیئرمین اتے انہاں دے وفد کوں پاکستان آوݨ تے خوش آمدید آکھدیں ہوئیں آکھیا جو پوری دنیا دے حالات تکھے تبدیل تھیندے پئن، حالات دا تقاضا اے جو ݙوپاسہ تعاون کوں ٻیا ودھایا ونڄے۔ چیئرمین سعودی شوریٰ کونسل ڈاکٹر عبداللہ بن محمد بن ??بر??ہیم الشیخ آکھیا جو میں آپݨی اتے آپݨے وفد ولوں پرتپاک استقبال تے سپیکر قومی اسمبلی اتے اراکین قومی اسمبلی دا شکریہ ادا کرینداں۔ پاکستان اتے سعودی عرب وچال ݙوپاسہ پارلیمانی رابطے ودھاوݨ دی لوڑھ اے۔ سعودی عرب پاکستان نال پارلیمانی اتے اقتصادی تعلقات کوں ٻیا مستحکم ٻݨاوݨ چاہندے۔ ڈپٹی سپیکر قومی اسمبلی سید غلام مصطفیٰ شاہ سعودی شوریٰ کونسل دے چیئرمین اتے انہاں دے وفد کوں قومی اسمبلی اچ خوش آمدید آکھیا۔ ممبر سعودی شوریٰ کونسل ڈاکٹر عیشہ بنت حسن زکری آکھیا جو سعودی عرب اچ تریمتیں ??وں ہکوسویں حقوق حاصل ہن۔ سعودی پارلیمانی وفد خمیس کوں قومی اسمبلی اچ قائم پارلیمانی کاکسسز اتے فورمز نال انڄ انڄ ملاقاتاں کریسی۔
پاکستان اتے سعودی عرب وچال ݙوپاسہ پارلیمانی رابطے ودھاوݨ دی لوڑھ اے، ڈاکٹر عبداللہ بن محمد بن ابراہیم الشیخ
مضمون کا ماخذ : میگا ملینز کا انعام
متعلقہ مضامین
