اسلام آباد۔8نومبر(اے پی پی) وفاقی وزیر داخلہ محسن نقوی دی ہدایت تے ڈپلومیٹک انکلیو اچ تاریخ اچ پہلی واری’’ کاسکیڈ ‘‘ دے ناں توں جدید ترین خدمت مرکز بݨا ݙتا ڳئے جتھاں ڈپلومیٹک کمیونٹی اتے غیر ملکی شہریاں کوں 12 توں ودھ خدمات ھک چھت تلے ملسن۔وفاقی وزیر داخلہ محسن نقوی ڈپلومیٹک انکلیو اچ سفارتکاراں دی سہولت سانڳے بݨائے ڳئے’’کاسکیڈ ‘‘ خدمت مرکز دا باقاعدہ افتتاح جمعہ کوں کیتے۔ ایں سینٹراچ ڈرائیونگ لائسنس دے اجراء و تجدید،کریکٹر سرٹیفکیٹ ، جنرل پولیس تصدیق، گمشدگی رپورٹ ، کرایہ داراں دی رجسٹریشن دی سہولت خدمت مرکز اچ ملسی ۔ غیر ملکیاں دی رجسٹریشن، گھریلو ملازمین دی رجسٹریشن، رضا کاراں دی رجسٹریشن ، گاݙیاں دی تصدیق اتےایف آئی آر دی کاپی گھنݨ جیھاں خدمات ݙتیاں ویسن ۔ وزیر داخلہ محسن نقوی آکھی?? وزیراعظم دے ویژن موجب سفرا تے غیرملکیاں دی سہولت اتے حفاظت سانڳے ہر ممکن اقدامات یقینی ??ݨیندے پیوں ، اے مرکز سفارتی برادری اتے سارے مہمان??ں سانڳے سکیورٹی و خدمات ݙیوݨ دے ساݙے عزم دی عکاسی کریندے ، خدمت مرکز اچ سفارتکاراں تے غیر ملکی شہریاں کوں ساری??ں سہولتاں ھک چھت تلے ملسن ۔ انھاں آکھیے ڈپلومیٹک انکلیو سودھے پورے دارالحکومت کوں سوہݨا بݨاوݨ مشن اے ، خدمت مرکز دے قیام نال قانون نافذ کرݨ آلے اداریں تے سفارتکاراں وچال رابطے تے سانجھے تعاون مزید تکڑے تھیسن ، انھاں آکھیے 1500 توں ودھ پولیس و ایف سی اہلکار اتے 20 پولیس گاݙیاں ڈپلومیٹک انکلیو دی سکیورٹی تے مامور ہن۔وفاقی وزیر داخلہ محسن نقوی سفارت کاراں دے رلے کاسکیڈ خدمت مرکز دا دورہ وی کیتے۔وزیر داخلہ محسن نقوی پولیس خدمت مرکز دے مختلف کاؤنٹرز دا معائنہ کیتے تے سہولتاں دا جائزہ ڳھدے ۔آئی جی اسلام آباد پولیس غیر ملکی شہریاں کوں ݙتیاں ونڄݨ آلی??ں سہولتاں تے بریفنگ ݙتی۔تقریب اچ شریک سفارت کاراں تے غیر ملکی شہریاں ڈپلومیٹک انکلیو اچ کاسکیڈ خدمت مرکز بݨاوݨ ت?? وزیر داخلہ محسن نقوی دا شکریہ ادا کیتے۔تقریب اچ سفارت کاراں وݙی تعداد اچ شرکت کیتی۔وفاقی سیکرٹری داخلہ، آئی جی اسلام آباد پولیس، ڈی سی اسلام آباد اتے اسلام آباد پولیس دے سینئر افسرایں موقع تے موجود ہن۔
