نیو یارک۔27ستمبر(اے پی پی) وزیر اعظم محمد شہباز شریف غزہ اچ وختی جنگ بندی اتے اتھاں رہݨ آلے فلسطینیاں دی نسل کشی تے اسرائیل دے احتساب دے مطالبے دا اعادہ کیتے ۔ وزیراعظم آفس دے میڈیا ونگ توں جا??ی بیان موجب وزیراعظم محمد شہبازشریف عراق د?? وزیراعظم محمد شیاع السودانی نال ملاقات کیتی ۔ ملاقات اچ ݙوہیں رہنماواں اقوام متحدہ اتے او آئی سی د?? پلیٹ فارم تے غزہ اچ وختی جنگ بندی اتے فلسطینی بھراویں سانڳے انسانی ہمدردی دی بنیاد تے امداد بغیر کہین رکاوٹ دے ݙیوݨ سانڳے بین الاقوامی سطح تے کوششاں تکھیاں کرݨ دا عزم کیتے ۔ ݙوہیں رہنماواں دی ملاقات اقوام متحدہ جنرل اسمبلی دے 79ویں اجلاس دے موقع تے نیویارک اچ تھئی ۔ ایں موقع تے وزیراعظم محمد شہباز شریف پاکستان اتے عراق وچال تکڑے تعلقات کوں چنڳاں قرار ݙیندے آکھیے انھاں تعلقات دی بنیاد تاریخ، ثقافت اتے مذہب تے مبنی اے۔وزیراعظم پاکستانی زائرین سانڳے ہر سال کیتے ونڄݨ آلے انتظامات تے عراقی حکومت دیاں کوششاں ??ی تعریف کیتی ۔ ملاقات اچ ݙوہیں رہنماواں پاکستان عراق ݙوطرفہ تعلقات دے دائرہ کار کوں مزید ودھاوݨ تے اتفاق کیتے ،سانجھے طور تے تعاون دے ودھارے سانڳے ݙوہیں م??کا?? وچال موجود استعداد توں فیدہ دا وی فیصلہ کیتا ڳئے ، ݙوہیں رہنماواں سانجھی دلچسپی دے علاقائی تے بین الاقوامی امور تے وی ڳالھ مہاڑ کیتی ، انھاں غزہ اچ جاری اسرائیلی قتل عام، ظلم و جبر اتے لکھاں انسانی زندگیاں ??ی تباہی تے تشویش دا اظہار کیتے۔ وزیراعظم شہباز شریف پاکستان دی طرفوں غزہ اچ وختی جنگ بندی اتے غزہ دی نسل کشی دے اسرائیل کوں ذمہ وار ٹھہراوݨ دے مطالبے دا اعادہ کیتے۔ بین الاقوامی مسئلیں تے اتفاق کریندے ݙوہیں رہنماواں غزہ اچ وختی جنگ بن??ی تے فلسطینی بھیݨ بھراویں کوں انسانی امداد دی بلا تعطل ݙیوݨ سانڳے اقوام متحدہ اتے او آئی سی د?? پلیٹ فارمز تے بین الاقوامی کوششاں کوں مزید مؤثر اتے تکھا کرݨ تے زور ݙتا۔
