اسلام آباد۔24اگست (اے پی پی):صحافتی تنظیماں فورتھ پلر انٹرنیشنل، پی ایف یو جے (پروفیشنل) اتے ینگ جرنلسٹس ایسوسی ایشن پاکستان میڈیا ڈویلپمنٹ اتھارٹی دے خلاف مختلف ٹی وی چینلز تے چلݨ آلے اشتہار کوں مسترد کریندے ہوئیں اینکوں یکطرفہ میڈیا مہم دے خلاف مسابقتی کمیشن نال رجوع کرݨ دا فیصلہ کیتے ۔ وفاقی وزیر اطلاعات و نشریات چوہدری فواد حسین اتے وزیر مملکت اطلاعات فرخ حبیب نال مختلف صحافتی تنظیماں فورتھ پلر انٹرنیشنل، پی ایف یو جے ( پروفیشنل) اتے ینگ جرنلسٹ ایسوسی ایشن دے عہدیداران ملاقات کیتی۔ صحافتی تنظیماں دے عہدیداران آکھیے جو پاکستان میڈیا ڈویلپمنٹ اتھارٹی بارے مختلف ٹی وی چینلز تے اشتہار چلدا پئے جیں اچ آکھیا ویندا پئے جو ساریاں صحافتی تنظیماں میڈیا ڈویلپمنٹ اتھارٹ?? بل کوں مسترد کرݙتے ۔ انہاں واضح کیتے جو ساریاں صحافتی تنظیماں ایں مجوزہ ٻل کوں مسترد نی کیتا ۔ عہدیداران آکھیے جو ماضی ??چ حکومتاں میڈیا مالکا?? توں بلیک میل تھیندیاں رہ ڳئن ، پاکستان تحریک انصاف دی واحد حکومت ہے جیں میڈیا ورکرز دے حقوق دے تحفظ کیتے قدم چاتے ، کجھ تنظیماں کوں میڈیا مالکان دے مفاد دا تحفظ کرݨ دی اجازت نی ݙے سڳدے لہذا یکطرفہ اشتہار اتے میڈیا مہم دے خلاف مسابقتی کمیشن آف پاکستان نال رجوع کریسوں ۔ ایں موقع تے ڳال کریندے ہوئیں وفاقی وزیر اطلاعات چوہدری فواد حسین آکھیے جو جدید میڈیا دا ساریں توں وݙا چیلنج نقلی بیانیہ کوں اصل بیانیہ توں انجھ کرݨا اے ، موجودہ سارے قوانین ڈیجیٹل میڈیا دے انقلاب توں پہلے تیار تھئن ، ہݨ موبائل فون ہی ساݙا اخبار، ٹی وی اتے سوشل میڈیا اے۔ انہا?? آکھیے جو پاکستان میڈیا ڈویلپمنٹ اتھارٹی بارے میڈیا مالکان دے ݙو اعتراضات ہن جو سوشل میڈیا اتے اخبار کیتے انجھ انجھ اتھارٹیز ہووݨی چاہیدی اے ۔ میڈیا مالکان گارنٹی ݙیون جو سوشل میڈیا دی نیوز اخبار اچ تے اخبار دی نیوز سوشل میڈیا تے شائع نہ تھیسی ۔
پاکستان میڈیا ڈویلپمنٹ اتھارٹی دے خلاف اشتہار یکطرفہ میڈیا مہم اے، ساریاں صحافتی تنظیماں مجوزہ ٻل کوں مسترد نی کیتا ، صحافتی تنظیماں دے عہدیداران دی وفاقی وزیر اطلاعات چوہدری فواد حسین اتے وزیر مملکت اطلاعات فرخ حبیب نال ملاقات
مضمون کا ماخذ : میگا ملینز کا بونس
متعلقہ مضامین
