گھوٹکی ۔ 30 مارچ (اے پی پی)وزیراعظم عمران خان آکھیے جو قوماں غریب نئےں تھیندیاں جے تئیں کرپشن انہاں کوں نہ کھا ونجے،سندھ پاکستان دا ودھ خوشحال صوبہ ہوونڑا چاہیدا ہا بھل اج اندرون سندھ سب توں ودھ غربت اے، سب توں ودھ وسائل آلے ملکاں کوں وی کرپشن کھا ویندی اے، سندھ وی کرپشن وات آگئے تہوں ترقی نئیں تھئی،وزارت خزانہ سودھے پچھلے 10 سال اچ سندھ کوں گیس رائلٹی دے 234 ارب روپے ملین،تریمتیں کیتے خصوصی پروگرام گھدی آندے ہیں،غریب اضلاع دی ترقی ترجیح اے،سودتوں پاک قرضے ڈیسوں،نینگراں کوں روزگار ملسی،غربت دے خلاف جہاد دا عزم کیتا ہوئے ۔ اے گالھ انہاں گھوٹکی اچ جلسہ عام نال خطاب کریندے ہوئے آکھی۔وزیراعظم آکھیے جو 10 سال پہلے ملک دا قرضہ 6 ہزار ارب روپے ہا جیہڑا ڈاہ سالاں اچ 30 ہزار ارب تئیںو دھیے، اج کتھاں گئے او پیسہ؟ پہلے شریف برادران زرداری کو ںکرپٹ آہدے ہن،زرداری انہاں کوں کرپٹ آہدا ہا بھل اج ڈوہیں کٹھے تھی گین، اے جو کجھ کر گھنین اساں انہاں کوں نہ چھوڑیسوں، صرف ہکو ??ست?? اے جو قوم دا لٹیا گیا پیسہ ولا ڈیون ،انہاں کوں معاف کرڈتا ویسی،نویں پاکستان اچ جیہڑے علاقے توں وی سونا ،تانبا ،گیس یا تیل نکلسی تاں سب توں پہلے اوں علاقے کوں فیدہ ڈیسوں۔انہاںا ٓکھیے جو??فا??ی حکومت کولوں 45 سو ارب روپے دے ٹیکس کٹھے تھیندن جیندے اچوں 2 ہزار ارب روپے قرض دیاں قسطاں اچ لگے ویندن،کرپشن ملک کوں تباہ اتے بیا مقروض کیتی ویندی اے،اج سندھ اچ تہوں غربت نئیں مکی کیوں جو اتھاں کرپشن دا راج اے،70 فیصد آبادی غربت توں تلے راہندی پئی اے،کرپٹ لیڈر شپ وسائل تے قبضہ کیتا ہوئے ، اے ہے پاکستان دی کہانی،این ایف سی ایوارڈ اچ ہر شے صوبیاں کولوں اے،??فا??ی حکومت تاں بنکاں دی مقروض اے،تہاڈی ترقی دے سارے فنڈ صوبیاں کولوں آ ویندن، تہاکوں پچھنڑا چاہیدے جو جیکر ڈاہ سال اچ سندھ کوں گیس دی رائلٹی دی مد اچ 234 ارب روپے ملین تاں گھوٹکی کوں کیا ملیے، تہاڈا پیسہ لیڈراں دے کھیسے اچ ویندا پئے جیہڑا منی لانڈرنگ دے ذریعے باھ??و پٹھ ڈتا ویندے، انہاں کوں پکڑوتاں ڈرامہ کر یندن جو جمہوریت خطرے اچ پئے گئی اے،اج اپنڑی چوری بچاونڑ کیتے ٹرین مارچ شروع تھی گین، حالت اے ہے جو لوکاں کوں ڈو ڈو ہزار روپے کرائے تے چاتا گئے،انہاں کوں وہ ہتھ ڈکھا گین اتے صرف ڈو ڈو سو تے ٹرخا ڈتے۔انہاںا ٓکھیے جو میں ہنڑ سندھ تے ودھ توجہ ڈیساں کیوں جو میں پورے ملک کوں خوشحال ڈیکھنڑ چاہنداں۔
سندھ پاکستان دا ودھ خوشحال صوبہ ہوونڑا چاہیدا ہا بھل اج اندرون سندھ سب توں ودھ غربت اے، وزیراعظم
مضمون کا ماخذ : خوش قسمت لڑکی
متعلقہ مضامین
