اسلام آباد ۔ 23 جنوری (اے پی پی) مسلم لیگ (ن) دے رکن قومی اسمبلی کیپٹن (ر) محمد صفدر آکھیے جو ایں پارلیمان اچ وڈے وڈے لوک گزرین اینکوں مندے نہ کڈھیے ونجن ،‘ اگر ??ول??ی تمیز الدین کیس اچ جسٹس منیر انصاف ڈیندے تاں ملک ڈو لخت نہ تھیندا ،جیں دے حصے اچ ہی لعنت ہووے او کہیں بے کوں کیاں ڈے سگدن ،جیویں لوکاں دا سلوک چیئر دے نال رکھیا گے او افسوسناک اے ۔ منگل کوں قومی اسمبلی اچ نکتہ اعتراض تے کیپٹن (ر) محمد صفدرآکھیا جو سپیکر چیئر دے سامنڑے جیویں گھیراﺅ کیتا گے او افسوسناک ہے۔ اگر لاہوراچ مال روڈ جلسے اچ خالی کرسیاں ہن تاں ایندے اچ پارلیمان دا کیا قصور اے ۔ایں پارلیمان اچ وڈے وڈے لوک آئے ہن اینکوں مندے نہ کڈھیے ونجن ۔ایں ایوان اچ جرات مند لوک بیٹھن تاں 28مئی کوں ایٹمی دھماکے تھن ۔عدالتاں اچ اپنڑے فیصلے ہوندن ۔عوام دی عدالت دے اپنڑے فیصلے ہن ۔جسٹس منیر اگر ??ول??ی تمیز الدین کیس اچ انصاف کریندے تاںتاں اے م??ک ڈو لخت نہ تھیندا۔ اج اگر کوئی عدالت دی بحالی سانگے گال کریندے تاں اے درست کائنی او انصاف کیتے آواز چیندا پیا ہئی ۔انہاں آکھیا اگر مشرقی پاکستان آلے قائداعظم دا ساتھ نہ ڈیندے تاں پاکستان اوکھا بنڑدا ۔مشرف ایں ہاﺅس کوں نااہل لوکاں دا ایوان آکھیا لیکن ایندے بعد اپنڑی صدارت کیتے ایں ہاﺅس توں بھیک منگی تے ایں ہاﺅس توں استثنیٰ ملیا۔ ایں ہاﺅس توں وڈا کیرھا ایوان ہوسی جیرھا قانون بنڑاوے تے سپریم کورٹ ایندے تے عمل کرے ۔ ذوالفقار علی بھٹو ختم نبوت دا قانون بنڑایا تے قادیانیاں کوں غیر مسلم قرار ڈتا۔ اے ایں ایوان دا کریڈٹ ہے۔ اے ہاﺅس لعنتیاں دا کائنی۔ ایں اساکوں دنیاد ا پہلا ملک بنڑائے جیں توں اے قانون منظور تھیا ۔اج لوک اے اکھیندن جو انصاف بحال کرے ۔
ایں پارلیمان اچ وڈے وڈے لوک گزرین اینکوں مندے نہ کڈھیے ونجن ،رکن قومی اسمبلی کیپٹن (ر) محمد صفدر
متعلقہ مضامین
