الزام ‘ بدتہذیبی اتے کوڑ مارنڑ دے ڈینھ مک گن ، ہ??ڑ ویلھا الزاماں دا نئیں ثبوت پیش کرنڑ دا ہے، عدالت ثبوت منگے تاںپی ٹی آئی دے وکیل کائنی ڈتے ، مخالفاں صرف الزام لاتے ??ن ہنڑ ثبوت پیش کرنڑ دا ویلھا شروع اتے پی ٹی آئی دے بھجنڑ دا ویلھا آگئے
اسلام آباد ۔07 نومبر (اے پی پی) وزیرمملکت برائے اطلاعات تے نشریات مریم اورنگزیب آکھیا ہے جو ہنڑ الزاماں ‘ بدتہذیبی اتے کوڑمارنڑ دے ڈینھ مک گن ، ہ??ڑویلھا الزام لاونڑ دا نئیں ثبوت پیش کرنڑ دا ہے، عدالت ثبوت منگے تاں پی ٹی آئی دے وکیل فراہم نی کر سگے ، مخالفاںصرف الزام لاتے ??ن ہنڑ ثبوت ڈیونڑ دا ویلھا شروع تھی گئے اتے پی ٹی آئی دے بھجنڑ دا ویلھا وی آگئے۔ سونوار کوں اسلاما آباد وچ سپریم کورٹ دے باہر میڈیا نال گالھ مہاڑ کریندے ہوئیں انہاں پی ٹی آئی کو ںمخاطب کریندے ہوئیں آکھیا جو ا یہ عدالت ہے کنٹینر کائنی ،اتھاںکوئی نی بھج سگدا۔ انہاں آکھیا جو وزیراعظم تحقیقات سانگے سپریم کورٹ خط لکھ ڈتا ہا۔ اساڈے وکیلاں ہر الزام دا تفصیلی جواب جمع کراٍڈتے۔ انہاں آکھیا جو اساڈا کیس پہلے ڈینھ توں مضبوط ہا اتے اساں عمران خان دے کوڑے الزاماں دا دفاع کرنڑ سانگے تیار ہسے۔ انہاں آکھیا جوعدالت عظمیٰ دااحترام سبھ تے لازم ہے۔ انھاں آکھیا جو پاناما کیس دے حوالے نال پاکستان تحریک انصاف ثبوت پیش کرنڑ وچ ناکام رہی ہے ، کوڑ مار مار تے قیاس آرائیاں کیتیاں ویندیان پن اتے جڈاںثبوت پیش کرنڑ دی واری آندی ہے تاں ثبوت پیش نی کیتے ویندے۔انھاں میڈیا کوں اپیل کریندے ہوئیں آکھیا جو اوہ ذمے داری دا ثبوت ڈیندے ہوئیں رپورٹنگ کرین کیونجو عمران خان سمیت بئے رہنما میڈیا دے سامنڑے ا وہ گالھ کریندے ہن جنہاں دا عدالت دے اندر کوئی ذکر کائنی تھیندا اتے نہ ای ایندا حقیقت نال کوئی تعلق ہوندا ہے ۔ انھاں میڈیا نمائندگان کوں آکھیا جو عدالت عظمٰی دے ریمارکس دے حوالے نال رپورٹنگ وچ ذمے داری دا ثبوت ڈتا ونجے۔ انھاں ایں امید دا اظہار کیتا جو وزیر اعظم محمد نواز شریف سرخرو تھیسن۔
