ننکانہ صاحب۔ 14 اگست (اے پی پی) وفاقی وزیر داخلہ بریگیڈیر (ر) اعجاز احمد شاہ آکھیے جو اج آزادی دا ملدی تاں اج اساڈا اوہو حال ہوندا جیرھا اج بھارت اچ مسلماناں دا اے ۔ادھا ملک ونجا ڈتے ، مزید ترٹ پھٹ دے متحمل نی تھی سگدے ،آپنڑاں آپ ٹھیک کرنڑ دی ضرورت اے ۔ او جمعے کوں اتھاں جمنازیم ہال اچ پرچم کشائی دے موقع تے تقریب توں خطاب کریندے پئے ہن ۔ایندے توں پہلے وفاقی وزیر داخلہ اعجاز احمد شاہ پرچم لہرایا۔ تقریب اچ ضلعی افسران، ارکان اسمبلی تے پی ٹی آئی عہدیدراں شرکت کیتی ، سیاسی و سماجی رہنما، وکلا، علما کرام اتے شہری وی تقریب اچ شریک تھئے ۔ایں موقع تے پولیس دے چاق و چوبند دستے قومی پرچم کوں سلامتی ڈتی ۔ شرکا پاکستان زندہ، پاکستان پائندہ باد دے فلک شگاف نعرے لاتے۔ وزیر داخلہ تقریب توں خطاب کریندے ہوئیں آکھیے جو پوری قوم اج آزادی دا ڈینھ جوش تے جذبے نال منیندی پئی اے ۔ بھارت اچ اقلیتاں دے نال ظالمانہ سلوک کیتا گئے ، آزادی نہ ملدی تاں اساڈا حال وی بھارتی مسلماناں وانگوں تھیندا ۔ انہاں آکھیے جو پاکستان قیامت تئیں رہنڑ کیتے بنڑیے ۔ 73 سالاں اچ ادھ ملک ونجا بیٹھو مزید ملک ترٹ پھٹ دا متحمل نی تھی سگدا ۔اے ملک ریاست مدینہ دی طرز تے تعمیر تھیندا پئے ۔انہاں آکھیے جو ننکانہ صاحب دے علاقے دیاں محرومیاں ختم کریسوں۔ ننکانہ دی ترقی اولین ترجیح اے۔حکومتی اقدامات پاروں کورونا وائرس گھٹ تھئے ۔ وزیر اعظم عمران خان آکھیے جو لوکاں کوں بھک توں مرنڑ کائناں ڈیساں ۔ پوری قوم کورونا دا ڈٹ تے مقابلہ کیتے ہنڑ کیس گھٹ تھیندے پئن تاں جو احتیاط جاری رکھنڑ دی لوڑ اے ۔
آزادی نہ ملدی تاں اج اساڈا اوہو حال ہوندا جیرھا بھارت اچ مسلماناں دا اے، وزیر داخلہ بریگیڈیر (ر) اعجاز احمد شاہ
مضمون کا ماخذ : como apostar na mega sena
متعلقہ مضامین
