اسلام آباد۔6نومبر(اے پی پی) وفاقی وزیرخزانہ ومحصولات سینٹر محمد اور نگزیب آکھیے اقتصادی اصلاحات دے بغیرملک ترقی نی کرسڳدا ، حکومت اقتصادی اصلاحات سانڳے پرعزم اے، ڈیجیٹلائزیشن توں انسانی مداخلت گھٹ کرݨ تے بدعنوانی تے قابوپاوݨ اچ مدد ملسی ، نجی شعبہ کوں پیداوارودھاوݨی ہوسی ۔ اے ??ال?? انھاں کراچی اچ فیوچرسمٹ دے اٹھویں ایڈیشن توں آپݨے خطاب اچ آکھی ۔ وزیرخزانہ آکھیے پاکستان کلی معیشت دے استحکام اچ چنڳی پیشرفت کیتی تے تے مختلف معاشی اشاریں توں اے ظاہر تھیندی پئ?? اے، ساݙے ڈٻل ڈیجٹ گھاٹے سرپلس تھی ڳئن ۔گزریل مالی سال اچ معاشی استحکام اچ پیشرفت جاری مالی سال دے پہلے ترائے مہینے اچ مزید تکڑا کیتا ڳئے،اگست تےستمبردے مہینے اچ حسابات جاریہ دے کھاتیں دا توازن مثبت رہیے، ترسیلات زراچ چنڳاں ودھارا تھئے ۔ وزیرخزانہ آکھیے مستحکم کرنسی، زرمبادلہ دے ذخیرے اچ ودھارا تے مہانگ گھٹ تھئ?? اے ، شرح سود مزید گھٹݨ دے بعد 15فیصد دی سطح تے ہے، وزیرخزانہ آکھیے اے ابتدائی ثمرات ہن تے ایندے بنیاداں تے دیر تئیں معاشی استحکام اتے نمودی عمارت تعمیرکرݨ?? اے۔پاکستان دی کریڈٹ ریٹنگ اچ بہتری آئ?? اے تے اساکوں امید اے جو جاری مالی سال اچ پاکستان دی کریڈٹ ریٹنگ سنگل بی تھی ویسی ۔ وزیرخزانہ آکھیے پالیسی ریٹ دی ??ال?? کیتی ویندی پئ?? اے اے وی ݙیکھݨے جو پالیسی ریٹ اچ کمی توں پہلے ہی چھی مہینے دے کائیبور دی شرح 13فیصدتئیں آچک?? اے اوے او شرح اے جیں تے قرضہ ڳھدا تے ݙتا ویندا پئے ، بینکنگ دا شعبہ نجی شعبہ کوں معاونت ݙیوݨ سانڳے دستی??ب اے۔وزیرخزانہ آکھیے حکومت مختلف شعبیں کوں ریلیف ݙیندی پئ?? اے ، غذائی افراط زرگھٹ?? اے ، ای سی سی دے اجلاس اچ ضروری چیزاں دیاں قیمتاں دی نگرانی کوں ہݨ باضابطہ کارروائی داحصہ بݨایا ڳئے ،عالمی سطح تے گزریل چھی مہینے اچ پٹرول، ٹرانسپورٹیشن خرچے تے ٻیاں چیزاں دیاں قیمتاں گھٹ تھئں ، ایں صورت اچ دال تے مرغی دیاں قیمتاں اچ زیادہ ودھارا بلاجواز اے،حکومت اے ??ال?? یقینی بݨیسی جو قیمتاں گھٹ تھیوݨ دا فیدہ عوام تئیں پڄایا ویسی ۔انہاں آکھیے واشنگٹن اچ ملاقاتاں دے دوران ݙوطرفہ اتے کثیرالجہتی شراکت داراں پاکستان نال تعاون دے آپݨے عزم دااعادہ کیتے ۔ پاکستان مختلف شعبیں اچ ڈھانچہ جا??ی اصلاحات داسلسلہ جاری رکھیسن ۔ایف بی آر دی ڈیجیٹلائزیشن، سرکاری کاروباری اداریں دے انتظام وانصرام اچ بہتری سانڳے اقدامات جاری رہسن ، اساں سمجھدوں ڈیجیٹلائزیشن توں انسانی مداخلت گھٹ کرݨ تے بدعنوانی تے قابو پاوݨ اچ مدد ملسی ۔وزیرخزانہ آکھیے معیشت دے بنیادی ڈی این اے کوں بدالݨا اے ،برآمدات تے مبنی نمو سانڳے اقدامات دے علاوہ کاروباراچ سوکھ ݙیوݨی ہوسی ،نجی شعبہ کوں کلیدی کردارنبھاوݨا اے ، نجی شعبہ کوں ایں ضمن اچ پیداوار ودھاوݨی ہوسی ۔وزیرخزانہ آکھیے حکومت سرمایہ کاری اچ ودھارے سانڳے اقدامات کریندی پئ?? اے ، پاکستان برآمدات تےمبنی براہ راست غیرملکی سرمایہ کاری کوں ترجیح ݙیسی ، بین الاقوامی کیپٹل مارکیٹاں تئیں رسائی ودھائی ویسی۔ اساکوں آبادی اچ ودھارے متعلق سٹنٹنگ اتے خواندگی دے مسئلیں دے حل سانڳے آپݨا کردار نبھاوݨا ہوسی ۔ وزیر خزانہ مزید آکھیے پاکستان اپݨے ݙوطرفہ تےکثیرالجہتی شراکت داراں نال رل تے ملکی ترقیا??ی ایجنڈے کوں اڳوں ودھاوݨ سانڳے کم جاری رکھیسن فیوچرسمٹ اہم فورم اے ، ایں کانفرنس اچ شریک غیرملکی سرمایہ کاراں تے ماہرین کورئیل ٹائم اچ آن لائن ویزے جاری کیتے ڳئن ۔میں سمجھداں اے سدھے پاسے ساݙے سفردا ھک چنڳاں آغازاے۔
