اسلام آباد ۔ 18 فر??ری (اے پی پی) تجارت بارے وزیراعظم دے مشیر عبدالرزاق داﺅد آکھیے جو پاکستان دی شرح نمو اتے معیشت دی ترقی سانگے سعودی عرب دی سرمایہ کاری وڈی اہمیت رکھیندی ہے۔ سنوار کوں اسلام آباد دے مقامی ہوٹل اچ پاک سعودی عرب بزنس کانفرنس نال ??طاب کریندے ہوئیں انہاں آکھیے جو سعودی عرب خوشحالی دے سفر اچ پاکستان دا??ارٹنر ہے۔انہاں آکھیے جوسعودی سرمایہ کاراں ولوں کان کنی اتے معدنیات دے شعبیں اچ سرمایہ کاری وڈی اہم ہے۔ سعودی عرب دے نال ??ساڈے تعلقات مختلف سمت اچ اتے مختلف سطح تے اگی تے ودھدے پن، پاکستان دے مختلف شعبیں اچ سعودی عرب ولوں وڈے پیمانے تے سرمایہ کاری دے اعلان نال ??ساڈی معیشت اچ بہتری آوسی۔ انہاں آکھیے جو سعودی سرمایہ کاراں اتے تاجراں کوں انہاں دے کاروباری منصوبیں اچ ہر طرح دی ممکنہ سہولتاں ڈتیاں ویسن۔ سعودی ولی عہد شہزادہ محمد بن سلمان دے حالیہ دورہ پاکستان دے موق?? تے پہلے مرحلہ اچ آئل ریفائننگ، پیٹروکیمیکل سمیت بئے مختلف شعبیں اچ 20 ارب ڈالر توں ودھ دی سرمایہ کاری سانگے معاہدیں تے مفاہمت دی یادداشتاں تے ڈوہائیں ملکاں دستخط کیتن،جیندی مدد نال پاکستان اچ سرمایہ کاری دے حوالے نال ??ین الاقوامی سرمایہ کاراں دے اعتماد اچ ودھارا تھیسی اتے پاکستان اچ کیتی ونجنڑ آلی براہ راست غیر ملکی سرمایہ کاری کوں فر??غ ملسی۔ سعودی عرب دے تجارت دے وزیر ماجد الکسابی ایں موق?? تے آکھیا جو پاکستان اتے سعودی عرب دے تعلقات ہک نویں اتے مثبت پاسے اگی تے ودھدے پن۔ ڈوہائیں ملکاں دے اقتصادی تعاون اچ فر??غ نال معاشی ترقی دے اہداف حاصل کرنڑ اچ مدد ملسی۔ پاک سعودی عرب بزنس کانفرنس نال ??رمایہ کاری بورڈ دے چیئرمین/ وزیر مملکت ہارون شریف وی خطاب کیتا اتے سعودی عرب دے تجارتی وفد کوں پاکستان اچ خوش آمدید آکھنڑ د?? نال نال ملکی معیشت دے مختلف شعبیں اچ سرمایہ کاری دے دستیاب مواقع بارے ڈسایا۔ کانفرنس اچ شریک سعودی سرمایہ کاراں توانائی، زراعت، سیاحت سمیت قومی معیشت دے مختلف شعبیں اچ سرمایہ کاری اچ دلچسپی دا اظہار کیتے۔
سعودی عرب خوشحالی دے سفر اچ پاکستان دا پارٹنر ہے،مشیر وزیراعظم عبد الرزاق داﺅد
مضمون کا ماخذ : اسرار ریلز
متعلقہ مضامین
