اسلام آباد ۔ 15 اگست (اے پی پی) پاکستان ت??ریک انصاف اتے ایندیاں اتحادی جماعتاں دے سانجھے امیدوار اسد قیصر 176 ووٹ گھن تے سپیکر منتخب تھی گے۔ نویںمنتخب سپیکر اسد قیصر سپیکر قومی اسمبلی دی حیثیت نال حلف چا گھدا ۔ بدھ کوں سپیکر قومی اسمبلی سردار ایاز صادق ساریں توں پہلے نویں سپیکر قومی اسمبلی دے الیکشن دے طریقہ کار نال ایوان کوں ڈسیندے ہوئیں آکھیا جو سیکرٹری قومی اسمبلی ایں الیکشن اچ پریزائیڈنگ افسر دے طور تے فرائض سرانجام ڈیسن۔ ارکان کوں اردو حروف تہجی دے اعتباد نال واری واری ووٹ پاونڑ سانگے سڈیا ویسی ۔ کوئ?? وی امیدوار پولنگ دے دوران کہیں وی وقت اپنڑے کاغذات نامزدگی واپس گھن سگدے ۔ بیلٹ پیپر تے قومی اسمبلی سیکرٹریٹ دے ہک مجاز افسر دے دستخط اتے مہر لازمی ہوسی۔ سپیکر دے عہدے سانگے پی ٹی آئی دے امیدوار اسد قیصر تے گرینڈ ڈیموکریٹک الائنس اچ شامل جماعتاں دے سانجھے امیدوار سید خورشید احمد ش??ہ وچال مقابلہ تھیا ۔ سپیکر ڈسایا جو اسد قیصر دا ناں ریاض فتیانہ اتے فضل محمد تجویز کیتے ج??اں جو سید خورشید احمد ش??ہ دے تجویز کنندگان اچ ڈاکٹر شازیہ ثوبیہ، سید نوید قمر، مسرت رفیق مہیسر، شاہدہ رحمانی اتے رمیش لعل دے ناں شامل ہن۔ سپیکر دے الیکشن سانگے ڈو پولنگ بوتھ قائم کیتے گے ہن جتھاں واری واری ارکان آ تے اپنا حق رائے دہی استعمال کیتا۔ اسد قیصر دے پولنگ ایجنٹ دے طور تے ڈاکٹر عمران خٹک، عمر ایوب خان اتے سید خورشید احمد ش??ہ دے پولنگ ایجنٹ دے طور تے سید غلام مصطفی شاہ اتے شازیہ مری فرائض سرانجام ڈتے?? پولنگ دا عمل ہک وج تے 51 منٹ تے ختم تھیا۔ سپیکر ووٹاں دی گنتی دا حکم ڈیندے ہوئیں خاص طور تے ڈوہیں امیدواراں دے پولنگ ایجنٹاں کوں اگی تے آونڑ کوں آکھیا ۔ ووٹاں دی گنتی دا عمل پورا تھیونڑ تے سپیکر سردار ایاز صادق نتیجے دا اعلان کیتا جیں دے مطابق کل 330 ووٹ پاتے گے جیں اچوں 8 ووٹ مسترد تھے۔ پی ٹی آئی تے ایندی حلیف جماعتاں دے سپیکر دے منصب سانگے سانجھے امیدوار اسد قیصر 176 ووٹ حاصل کیتے ج??اں جو اپوزیشن جماعتاں دے سانجھے امیدوار سید خورشید احمد ش??ہ 146 ووٹ حاصل کیتے ۔ ایں طرح پی ٹی آئی دے امیدوار اسد قیصر قومی اسمبلی دے نویں سپیکر منتخب تھی گن۔ سپیکر سردار ایاز صادق نویںمنتخب سپیکر اسد قیصر توں حلف گھدا ۔
پاکستان تحریک انصاف اتے ایندیاں اتحادی جماعتاں دے سانجھے امیدوار اسد قیصر 176 ووٹ گھن تے سپیکر منتخب، عہدے دا حلف چا گھدا
مضمون کا ماخذ : عظیم البینی
متعلقہ مضامین
