اسلام آباد ۔ 9 جولائی (اے پی پی) وزیراعظم دے مشیربرائے خزانہ ومحصولات ڈاکٹرعبدالحفیظ شیخ آکھیے جو حکومت کوں اقتصادی بحران ورثہ اچ ملیا ہئی،ڈالر دی قدر مصنوعی طورتے رگھنڑ نال زرمبادلہ دے ذخائر اچ کمی آئی اے،ایف بی آ ر سودھا سارے اداریاں اچ اصلاحات سانگے نجی شعبہ کوں وی رلایا ویسی۔انہاں ٓکھیے جو رکونا نال ملکی معیشت کوں ترائے توں چار کھرب روپے دا نقصان تھئے، غربت اتے بے روزگاری ودھی اے ،ایں سانگے نمبر بازی دی بجائے حقائق تے اکھ بھنواونڑی ہوسی کیوں جو حکومت مالیاتی نظم وضبط سانگے اوکھے فیصلے کیتن،برآمدات دے ودھارے،برآمدی شعبہ کوں مراعات،حسابات جاریہ دا خسارہ گھٹاونڑاتے ملک کوں معاشی بحران توں کڈھنڑ تے ودھ توجہ ڈتی اے۔انہاںا ٓکھیے جو حکومت بیرونی قرضیاں دی مد اچ ودھ سود ڈیندی پئی اے،ایں سال 2900 ارب روپے ادا کرنڑے پین،ملکی تاریخ اچ پہلی واری پرائمری بیلنس مثبت تھی چکیے،صدر، وزیراعظم ، کابینہ سودھا بئے اخراجات اچ کمی کیتی گئی اے،شرح سودگھٹا تے 7 فیصد تے گھن آئی گئی اے،اقتصاری بڑھوتری کیتے بجٹ اچ 8وڈے فیصلے کیتے گین،زراعت، کساناں، کاروباری طبقے سودھا تعمیری صنعت کیتے رعاتاں ڈتیاں گین۔انہاں آکھیے جو کرونا دے نقصانات دی برابری کیتے حکومت 1240 ارب روپے دا امدادی پیکج ڈتے۔انہاں آکھیے جو پاکستان ٹیکس کٹھے کرنڑ اچ ڈھیلا ثابت تھئے،اساں اوکھے سوکھے 10 توں 11 فیصد تئیں ٹیکس کٹھا کر سگدے ہیں،تہوں صحت، تعلیم اتے بیاں سہولتاں اچ مسلے ہین،جولائی توں فروری تئیں محصولات اچ 17 فیصد ودھارا تھئے،ودھ مقصد لوکاں کوں ریلیف ڈٰونڑ اے،حکومت اینجھے فیصلے کریسی جیندے نال معیشت تکڑی تھیوے۔
حکومت ایف بی آرسودھا سارے اداریاں اچ اصلاحات کریندی پئی اے، وزیراعظم دے مشیربرائے خزانہ ومحصولات ڈاکٹرعبدالحفیظ شیخ
مضمون کا ماخذ : اسکریچ کارڈ لاٹری
متعلقہ مضامین
