اسلام آباد۔ 20 فروری (اے پی پی) د منصوبه بندۍ وفاقي وزير احسن اقبال په تركيه او سوريه كښې د زلزله ځپلو په مرسته كښې د غېر سركاري تنظيمونو او نجي ادارو ګډون خوشبينه ګرځولو سره وئيلي دي حكومت زلزله ځپليو لپاره د مرستې سامان لېږل لا آسانولو له اقدامات كوي۔ د ګل په ورځ په اېن ډي اېم اے كښې د نېشنل اېمرجنسي آپرېشنز سنټر خاص غونډې مشرۍ كولو په مهال وفاقي وزير ووئيل په وروڼو هېوادونو كښې په دې سخت وخت كښې د مرستې ادارو كردار د ستائنې وړ دے٬ حكومت په تركيه او سوريه كښې زلزله ځپليو له د مرستې سامان په فوري توګه لېږل باوري كوي۔ وفاقي وزير هدايت وكړو چې د وزيراعظم هدايات له مخې د تركيه زلزله ځپلي يخنۍ څخه بچ كولو له دې خېمې زر تر زره جوړې او ولېږلې شي۔ دې څخه وړاندې غونډې ته بريفنګ كښې د اېن ډي اېم اے چارواكو ووئيل تر دې دمه د 23 پروازونو د لارې د مرستې 623 ټنه سامان تركيه او سوريه ته لېږلے شوے دې۔ د اېن اېل سي د سامان 21 ټركونه به د روانې مياشتې تر 23 مې نېټې تركيه ته ورسي٬ دغسې د پاك سمندري ځواك جهاز به د مرستې سامان سره د روانې مياشتې په 28 مه نېټه كراچۍ څخه روان شي۔ په غونډه كښې د اكنامك افيئرز ډويژن ٬ د اطلاعات او خپرونو وزارت او اېن اېل سي چارواكو ٬ په تركيه او سوريه كښې د پاكستان سفيرانو او د ټېنټ مېنوفېكچررز اېسوسي اېشن او بېلو اېن جي اوز استازو ګډون كولو
په تركيه او سوريه كښې د ځپلو په مرسته كښې د نجي ادارو كردار د ستائنې وړ دے ٬ احسن اقبال
مضمون کا ماخذ : کمپیوٹر لاٹری کا جیک پاٹ
متعلقہ مضامین
