ریاض۔29اکتوبر(اے پی پی) وزیر اعظم محمد شہباز شریف تے سعودی ولی ??ہد محمد بن س??مان مضبوط پاک سعودی اقتصادی شراکت داری دا اعادہ کیتے تے تجارت، سرمایہ کاری اتے اقتصادی تعاون دے دائرہ کار اچ جاری ݙو پاسے تعاون مزید ودھاوݨ تے اتفاق کیتے،ݙوہیں رہنماؤاں خطے اچ جاری اسرائیلی جارحیت تے وی تشویش کیتی ۔ وزیراعظم دفتر دے پریس ونگ توں جاری بیان موجب وزیراعظم محمد شہباز شریف فیوچر انویسٹمنٹ انیشیٹو (ایف آئی آئی ) دے 8ویں اجلاس دے موقع تے سعودی ولی ??ہد اتے وزیر اعظم محمد بن س??مان نال ملاقات کیتی ۔ وزیراعظم خادم حرمین شریفین شاہ سلمان بن عبدالعزیز سانڳے نیک خواہشات دا اظہار کیتے تے انھاں دی صحت و تندرستی سانڳے دعا منگی ۔ انہاں بین الاقوامی مالیاتی اداریں متعلق معاملات تے سعودی عرب دی پاکستان دی حمایت تے محمد بن س??مان دا شکریہ ادا کیتا۔ وزیراعظم انھاں دی تے انھاں دے وفد دی پرتپاک مہمان نوازی تے وی ولی عہد دا شکریہ ادا کیتا۔ فیوچر انویسٹمنٹ کانفرنس کراوݨ دے حوالے نال سعودی ولی ??ہد دی دور اندیش قیادت دی تعریف کریندے وزیراعظم آکھیے سعودی وژن 2030 پاکستان دے کلیدی پالیسی مقصد نال ہم آہ??گ اے ۔ ݙوہیں رہنماواں مضبوط پاکستان سعودی اقتصادی شراکت داری دا اعادہ کیتا تے تجارت، سرمایہ کاری اتے اقتصادی تعاون دے دائرہ کار اچ جاری ݙو طرفہ تعاون مزید ودھاوݨ تے اتفاق کیتا۔ وزیراعظم سعودی وزیر سرمایہ کاری دی قیادت اچ اعلیٰ سطح دے سعودی وفد دے اڄوکے دورے دے دا ذکر کیتا تے ایں دورے اچ دستخط کیتے ڳئے مفاہمت دی یادداشتاں (ایم او یوز) دی بنیاد تے پاک سعودی معاشی شراکت دا احاطہ کیتا۔ ݙوہیں رہنماواں خطے اچ جاری اسرائیلی جارحیت تے وی تشویش کیتی جیں دے نتیجے اچ بے پناہ تباہی تھئی اے۔ سعودی عرب تے پاکستان وچال مشترکہ مذہبی اتے ثقافتی تعلقات ہن جیڑھے ݙھاکیں تے محیط ہن اتے ویلھے نال تکڑے تھیندے پئن ،وزیر اعظم محمد شہباز شریف اتے سعودی ولی ??ہد محمد بن س??مان وچال تھیوݨ آلی اے ملاقات ایں امر کوں ظاہر کریندی اے۔
