اسلام آبا??۔8اکتوبر(اے پی پی)نائب وزیراعظم اتے وزیر خارجہ سینیٹر محمد اسحاق ڈار اسلام آباد اچ کنگ سلمان ہیومنٹیرین اینڈ ریلیف س??ٹر ولوں پاکستان اچ تعلیم، صحت، بحالی و ترقیاتی منصوبیاں اتے خدماتی سہولیات کیتے مشترکہ تعاون پروگراماں اتے عملدرآمدی معاہداں تے دستخطوں دی تقریب اچ شرکت کیتی۔ تقریب اچ پاکستان اچ سعودی عرب دے سف??ر نواف بن سعید المالکی، این ڈی ایم اے دے سینئر حکام، چیئرمین این سی ایچ ڈی، چیئرمین پاکستان ریڈ کریسنٹ سوسائٹی اتے ٻئے حکام سودھا کنگ سلمان ہیومنٹیرین اینڈ ریلیف س??ٹر دے اسسٹنٹ سپروائزر جنرل انجینئر احمد علی عبدالﷲ الباعث وی موجود ہن۔ نائب وزیراعظم و وزیر خارجہ سینیٹر محمد اسحاق ڈار آکھیا ??و پاکستان اتے سعودی عرب دے ہر سطح تے ڳھاٹے تعلقات اتے تکڑا تعاون اے، اقوام متحدہ اتے اسلامی تعاون تنظیم سودھا کثیر الجہتی فورمز تے رل تے کم کریسوں، شاہ سلمان بن عبدالعزیز اتے ولی عہد شہزادہ محمد بن سلمان اتے وزیراعظم محمد شہباز شریف ݙوطرفہ سٹرٹیجک تعاون ٻیا ??کڑا کریسن، کنگ سلمان ہیومنٹیرین اینڈ ریلیف س??ٹر ولوں مختلف منصوبیاں تے دستخط تھیوݨ نال ݙوہیں ملک اتے عوام ٻئے ڳھاٹے سنڳتی ٻݨسن، اساں اے سنڳت کݙاھیں نا ٻھلسوں، نویں منصوبیاں نال پاکستان کوں قدرتی آفات نال نمٹݨ اتے بحالی دے کماں اچ مدد ملسی۔ انہاں آکھیا ??و سعودی عرب دا ہک تجارتی وفد سرمایہ کاری امکانات ݙیکھݨ کیتے پاکستان آندا پئے۔ تقریب نال سعودی سف??ر نواف بن سعید المالکی وی خطاب کیتے۔ تقریب اچ پاکستان اچ ریلیف دے کم سانڳے ہک دستاویزی فلم وی ݙکھائی گئی۔ تقریب اچ کنگ سلمان ہیومنٹیرین اینڈ ریلیف س??ٹر اتے پاکستان وچال مختلف مفاہمتی یادداشتاں تے دستخط کیتے ڳن جیندے نال قدرتی آفات نال نمٹݨ کیتے ہیومن ریسورس فیسیلٹی اسلام آباد اچ قائم کیتی ویسی، اپر چترال اچ ایجوکیشن فار آل دے سکول ٻݨائے ویسن، خیبرپختونخوا اتے پنجاب اچ سیلاب زدگان کیتے مکان ٻݨائے ویسن، آزاد کشمیر اتے ملک دے ٻئے علاقیاں اچ صحت و تعلیم دے مراکز قائم کیتے ویسن اتے اینڄھے متاثرہ مراکز دی بحالی دا کم کیتا ویسی۔
کنگ سلمان ہیومنٹیرین اینڈ ریلیف سنٹر ولوں مشترکہ تعاون پروگراماں، عملدرآمدی معاہداں تے دستخط دی تقریب، نائب وزیراعظم اسحاق ڈار دی شرکت
مضمون کا ماخذ : فنکی پھل
متعلقہ مضامین
