تحریر؛ یاسرعرفات
اسلام آباد۔4نومبر (اے پی پی)نیا پاکستان ہاؤسنگ منصوبہ، دے تحت معاشرے دے کمزور بالخصوص چھوٹے تنخواہ دار طبقے کیتے سر دی چھت ݙیوݨ حکومت دی ودھ توجہ اے،پچھلیاں حکومتاں توں ہٹ تے اجوکی حکومت اپݨے منشور دے تحت ڳھٹ آمدن طبقہ کوں پنجھا لکھ گھر یوݨ وں کیتے کوششاں دا عزم دوہریندے فیڈرل گورنمنٹ ایمپلائز ہاؤسنگ اتھارٹی کوں ذمہ داری ݙتی اے ڄیں حکومتی اہداف دے مطابق مختلف سکیماں شروع کیتن۔ اتھارٹی نجی اراضی تے سانجھے منصوبیاں اتے سرکاری اراضی تے حکومتی پروگراماں دے تحت انہاں سکمیاں تے کم کریندی پئی اے، مختلف چیلنجاں دے باوجود پی ٹی آئی حکومت پاکستان کوں ریاست مدینہ آلی کار فلاحی مملکت بݨاوݨ کیتے وزیراعظم عمران خان دی سوچ نال مستحق لوکاں کیتے ڳھٹ آمدن آلے لوکاں کیتے مکانات بݨاوݨ دی کوشش اچ اے ایں سانڳے ݙو سال اچ بنکاں توںس وکھے قرضے ݙیوݨ کیتے قانون سازی وی کیتی اے۔ حکومت دسمبر 2019ء اچ بھارہ کہو پراجیکٹ دے گرین انکلیو۔ 1 ??ود??ا مختلف رکیے ہوئے منصوبیاں کوں بحال کیتے اتے درخواست گذاراں کوں 3282 پلاٹ الاٹ کیتن، ایں سانڳے اتھارٹی سکائی گارڈن پراجیکٹ دے تحت 5198 پلاٹ، لائف سٹائل ریزیڈنسی اپارٹمنٹ G-13 سکیم دے تحت 3240 پلاٹ الاٹ کیتن۔ وزیراعظم کشمیر ایونیو G-13 اسلام آباد اسکیم دا افتتاح کیتے جیندے تحت 1467 اپارٹمنٹ بݨسن۔ چکلالہ ہائٹس راولپنڈی سکیم دے تحت 3432 اپارٹمنٹس، سکائی لائن اپارٹمنٹ اسلام آباد سکیم دے تحت 3945 اپارٹمنٹس اتے لائف سٹائل ریزیڈنسی لاہور سکیم دے تحت 1258 اپارٹمنٹس بݨسن۔ وفاقی حکومت حکومتی ہاؤسنگ سکیماں دے تحت صوبائی حکومتاں نال مفاہمت دی یادداشتاں تے دستخط کیتن جیندے اچ آزاد جموں و کشمیر کیتے 798 اپارٹمنٹس، ماہی گیراں کیتے 16 ہزار اپارٹمنٹس اتے بلوچستان کیتے 18 ہزار اپارٹمنٹس،12 ہزار پلاٹس اتے خیبر پختونخوا کیتے 750 اپارٹمنٹس وی شامل ہین۔ حکومت مکانات بݨاوݨ کیتے فزیکل پلاننگ اتے ہاؤسنگ پروگراماں تے ایں مالی سال 18 ارب روپے خرچ کریسی۔ کورونا وائرس دی وبا اچ حکومت ہاؤسنگ اتے تعمیراتی سرگرمیاں سانگے مراعاتی پیکیج دا اعلان کیتے۔ پچھلے ہک مہینے اچ 63 ارب روپے دے 127 تعمیراتی منصوبے حتمی رجسٹریشن کروا چکین جڈاں جو 109 ارب روپے دے 114 منصوبے ??ار??ی رجسٹریشن کروئی اے جیندے اچ 61 کراچی اچ، 44 لاہور، 30 اسلام آباد، 19 راولپنڈی، 10 فیصل آباد اتے ٻئے شہراں اچ بݨسن۔ حکومت بلڈرز اتے ڈویلپرز کیتے فکسڈ ٹیکس نظام متعارف کرائے،پلانٹ اتے مشینری دی درآمد کیتے تعمیراتی شعبہ کوں سہولت ݙتی ڳئی اے، سرمایہ کاری کیتے پچھ ڳچھ تے وی چھوٹ ݙتی ڳئی اے، ایں سانڳے جائیداد ویچݨ، ایڈوانس ٹیکس ??ود??ا بنک قرض اچ وی سوکھ ݙتے ڳین۔ اسلامی اتے روایتی بنکاری دے تحت قرض کیتے سٹیٹ بنک دے تحت کمرشل بنک جیویں نیشنل بینک، الائیڈ بینک، میزان بینک، بینک الحبیب، حبیب بینک اتے بینک آف پنجاب سوکھ ݙیسن۔ ٻئے بنک وی قرض پروگرام اچ رلݨ دے خواہشمند ہین۔ وزیراعظم سوکھے قرض سانگے آن لائن نظام اتے جدید ٹیکنالوجی دے استعمال دی ہدایت کیتی اے جیندے تے عملدرآمد جاری اے۔ حکومت ہاؤسنگ دے شعبہ اچ رکاوٹاں دور کرݨ اتے سوکھ کیتے قومی رابطہ کمیٹی بݨائی اے،حکومت دا پہلا ہدف پہلے مرحلے اچ ہک لکھ گھراں دی تعمیر اے، حکومت تعمیراتی شعبے سانگے غریب طبقے کوں 130 ارب روپے دی سبسڈی ݙیندی پئی اے۔
نیا پاکستان ہاؤسنگ منصوبہ ، ڳھٹ آمدن طبقات کیتے سوجھلے دی ݙاٹ اے
مضمون کا ماخذ : لوٹیریا وفاقی
متعلقہ مضامین
