اسلام آباد۔30اکتوبر(اے پی پی) وزیراعظم محمد شہباز شریف امیر قطر شیخ تمیم بن حمد الثانی دی دعوت تے 30 توں 31 اکتوبر تئیں قطر دا سرکاری دورہ کریسن۔ ترجمان دفتر خارجہ توں جاری بیان موجب وزیراعظم دوحہ اچ قطر دے امیر شیخ تمیم بن حمد الثانی، وزیراعظم/ وزیر امور خارجہ محمد بن عبدالرحمن بن جاسم ا??ثانی نال ݙو پاسے ملاقاتاں کریسن ۔ انھاں ملاقاتاں اچ ݙوہیں فریق ݙو طرفہ تعلقات دے سارے پہلوواں دا جائزہ گھنسن تے خاص طور تے تجارت تے سرمایہ کاری اچ تعاون دے نویں موقع ڳولیسن۔ قطر انویسٹمنٹ اتھارٹی اتے قطر بزنس مین ایسوسی ایشن دے قائدانہ سطح دے وفد وزیراعظم نال پاکستان اچ سرمایہ کاری دے موقع ڳولݨ سانڳے ملاقات کریسن ۔ وزیراعظم 31 اکتوبر کوں ثقافتی نمائش ’’منظر: آرٹ اینڈ آرکیٹیکچر پاکستان 1940 توں ہݨ تئیں ‘‘ دا افتتاح وی کریسن ۔ اے نمائش پاکستان دے بھرپور ثقافتی تے تعمیراتی ورثے دی نمائش کریسی تے پاکستان اتے قطر وچال عوام نال عوام دے رابطے کوں اجاگر کریسی۔
