اسلام آباد۔3اکتوبر(اے پی پی) وفاقی وزیر داخلہ محسن نقوی نال آسٹریلیا دے ہائی کمشنر نیل ہاکنز ملاقات کیتی جیں اچ بارڈر مینجمنٹ،انسداد انسانی سمگلنگ اچ تعاون ودھاوݨ ، پاکستان کرکٹ بورڈ اتے آسٹریلین کرکٹ بورڈ وچال تعاون مزید ودھاوݨ تے اسلام آباد ،کینبرا تے مضافاتی علاقیں تے مشتمل آسٹریلین کیپیٹل ٹیریٹری کوں جرے شہراں دا درجہ ݙیوݨ تے اتفاق کیتا ??ئے?? وزیر داخلہ محسن نقوی وزارت داخلہ آوݨ تے آسٹریلوی ہائی کمشنر دا خیر ??قدم کیتا۔ وفاقی وزیرداخلہ محسن نقوی آکھیے پاکستانی ٹیم 30 اکتوبر کوں آسٹریلیا دورے تے روانہ تھیسی ، امید اے ایں دورے اچ ݙوہیں ملکاں دی عوام کوں چنڳاں کھیݙ ݙیکھݨ کوں ملسی ، انھاں مزید آکھیے پاکستانی تریمت کھلاڑیاں کوں بگ بیش سانڳے این او سی جاری کیتے ویسن ۔ آسٹریلوی ہائی کمشنر یقین ݙیوائے جو آسٹریلیا ٹریننگ، تریمتاں تے نابینا لوکاں دی کرکٹ اچ تعاون کریسی ۔ آسٹریلوی ہائی کمشنر وزیر داخلہ محسن نقوی کوں آسٹریلوی ٹیم دا دستخط تھیا کرکٹ بلا وی پیش کیتا۔ وفاقی وزیر داخلہ محسن نقوی آسٹریلوی ہائی کمشنر نال ڳالھ کریندے آکھیے بارڈر مینجمنٹ اتے انسداد انسانی سمگلنگ سانڳے پوری ٹیم مامور کیتی ڳئی اے ، جیڑھی آسٹریلیا سودھے سارے ملکاں دی طرفوں تھیوݨ آلی انسانی اسمگلنگ دے تدارک سانڳے بھر پور طریقے نال کم کریندی پئی اے ، ایں سلسلے اچ ایف آئی اے دی استعداد ودھاوݨ تے وی کم کیتا ویندا پئے ۔ آسٹریلوی ہائی کمشنر آکھیے پاکستان آسٹریلیا دے بارڈر مینجمنٹ دے جدید طریقیں تے آلات توں فیدہ گھن سڳدے ، وفاقی وزیر داخلہ آسٹریلوی ہائی کمشنر دی پیشکش دا خیر ??قدم کیتا۔ ملاقات اچ جوائنٹ ورکنگ گروپ دا اجلاس دسمبراچ آسٹریلیا اچ کراوݨ تے اتفاق کیتا ??ئے??وفاقی وزیرداخلہ محسن نقوی آکھیے افغان مہاجرین دی آسٹریلیا منتقلی اچ پاکستان ہر ممکن سہولتاں ݙیندا پئے ۔ملاقات اچ ݙو پاسے تعلقات اتے سانجھی دلچسپی دے امور تے وی ڳالھ مہاڑ کیتی ڳئی
